Redakshon
Kralendijk,- Nan a informá tokante lantamentu i propósito di e banda Zjeitu. A introdusí un EP ku 8 piesa di Zjeitu i nan a papia tokante nan presentashonnan na Boneiru pa e dianan binidero. E enkuentro tabata na The Bucket.
Na e okashon Jairo Evertsz, a splika kon a yega na e agrupashon musikal. Chendell Beaumont a bini ku e idea pa kuminsá ku e grupo Zjeitu.
Chandell a konta kon nan a reuní i pone nòmber pa e grupo. E ganadó a resultá Jairo, pesei e agrupashon musikal yama Zjeitu. “E meta ta pa uni e hendenan di ántes antia i presentá kantikanan di esnan di pasado. Nos lo pasa Kòrsou i Aruba pa uni e islanan. Ya nos a trese un kantika di Anna Thode (†) komo rekonosementu i dimes ta bai tin mas kantika nobo pronto. “
Rocco Franken
El a konta kon el a drenta den e mundu krioyo. Aña pasa durante dia di Rincon kantando, el a realisá ku e ta den e mundu kantikanan krioyo. Promé biaha awor ku Zjeitu na Boneiru.
Nan a presentá e integrantenan tantu di Boneiru, Kòrsou i Aruba ku ta forma parti di e agrupashon musikal. Skirbimentu di kantika ta na enkargo di Chendell. Nan ta konsiderá James Kroon, komo tata òf padrino di grupo. Semper e ta huntu ku nan i sostené nan, for di promé ku Zjeitu a lanta.
FUENTE: FITTIPALDI PIETERSZ/LIVE99FM
GIPHY App Key not set. Please check settings