BANCO DI CARIBE TA YAMA FLORIN KARIBENSE BON BINÍ

Kralendijk,- Entrante 1 di aprel 2025, CBCS ta introdusí un moneda nobo; e Florin Karibense (XCG), pa Kòrsou i Sint. Maarten. Pa logra un transishon suave di ANG pa XCG, Banco di Caribe ta informá su klientenan di sierto implikashonnan temporal den servisio ku por afektá su operashonnan diario di su filial na Boneiru entre 31 di mart i 1 di aprel 2025.

Ta pidi klientenan pa tuma nota di e siguiente puntonan importante ku por tin influensia riba bo transakshonnan di pago durante e periodo aki.

Banco di Caribe su Filial na Boneiru, Kòrsou i Sint Maarten lo sera pa 12’or di mèrdia, dia 31 di mart 2025.  Branchnan na Boneiru i Kòrsou lo reanudá operashonnan regular e siguiente dia di trabou for di  8’or di mainta pa  4’or di atardi i Sint Maarten ta abri bèk di mitar di 9 di mainta pa mitar di 4 di atardi.  Porfabor tene na kuenta ku  sirkunstansianan imprevisto por kousa retraso den nos servisio riba promé (1) di aprel 2025.

Tokante servisio limitá na Online Banking durante transishon

Dia 31 di mart Banco di Caribe su plantaforma di Online banking i Mobile banking tambe lo ta for di servisio for di 7’or di anochi te promé (1) di aprel 2025 pa 8’or di mainta.  Tene na kuenta ku pa motibunan imprevisto, e plataforma di Banco di Caribe su Online banking i Mobile banking por tin akseso limitá riba e dia aki.  Esaki lo ta vigente pa Kòrsou, Sint Maarten i Boneiru. Konsultá e wèpsait i e página di Facebook di Banco di Caribe pa update referente esaki.

Banco di Caribe ta apresiá bo komprenshon i ta trahando duru pa un transishon sin interupshon. Pa kualke pregunta ku bo por tin; tuma kontakto via Facebook messenger, Sentro di Servisio na Klientna 717 7595 òf e-mail customersupportbon@bancodicaribe.com

FUENTE: BANKO DI CARIBE BONAIRE/LIVE99FM