MOD TA ANUNSIÁ PLAN DI INVESTIGASHON I TA BIAHA PA BONEIRU

Kralendijk,- Gobièrnu di Reino a aprobá e plan di investigashon ku gobièrnu di Boneiru a entregá pa e Servisio di Aksidente Ambiental di RIVM (Milieuongevallen Dienst van RIVM – MOD-RIVM) ehekutá midimentu na nos isla.

MOD a duna di konosé ku nan por kuminsá riba djárason 13 di novèmber na Boneiru. Kontrario na loke informenan anterior a sugerí, no ta trata di midimentu di aire. Nan ta midi sí kua ta e supstansianan ku for di den aire a resultá den bisindario di lèntfel.

RIVM, e Instituto di Reino pa Salubridat Públiko i Medio Ambiente, ta bai hasi investigashon rònt di e lugá di depositá shushi pa haña mas klaridat tokante supstansianan dañino ku posibelmente a resultá den bisindario.

Pa esaki RIVM ta bai bari stòf (muestra di stòf) i nan ta tuma muestra di suela i vegetashon. Na Hulanda nan ta analisá e muestranan akí pa loke ta trata presensia di PAK (Polycyclische Aromatische Koolstoffen – Karbon Aromátiko Polisíkliko), dioksina i metal pisá.

E informashon akí ta brinda konosementu tokante kua ta e posibel riesgonan na e momentu akí pa salú di hende i medio ambiente den bisindario di e lugá pa depositá shushi. 

FUENTE:OLB/LIVE99FM

NEDERLANDS:

MOD MAAKT ONDERZOEKPLAN BEKEND EN KOMT NAAR BONAIRE 

Kralendijk,- Het ingediende onderzoeksplan voor het uitvoeren van metingen op Bonaire door Milieuongevallen Dienst van RIVM (MOD-RIVM) is goedgekeurd door de Rijksoverheid.

MOD laat ons weten op woensdag 13 november op Bonaire te kunnen starten. In tegenstelling tot wat eerdere berichten suggereerden, gaat het niet om luchtmetingen, Wel wordt gemeten worden welke stoffen er vanuit de lucht in de omgeving van Landfill terecht zijn gekomen.  
  Het RIVM gaat op verschillende plekken rond de afvalstortplaats onderzoek doen om meer duidelijkheid te krijgen over schadelijke stoffen die mogelijk in de omgeving terecht zijn gekomen. Het RIVM gaat hiervoor stof opvegen (veegmonsters) en neemt monsters van de bodem en vegetatie. In Nederland worden deze monsters geanalyseerd op de aanwezigheid van PAK’s (Polycyclische Aromatische Koolstoffen), dioxine en zware metalen.  Deze informatie geeft inzicht in wat op dit moment de mogelijke risico’s zijn voor de gezondheid van mensen en het milieu in de omgeving van de afvalstortplaats.”