PÈCHI DI RADIO LIVE 99 NA CANADA

Kralendijk,- Fin di siman ku a pasa, tabatin aktividat grandi di vòli organisá pa BOVOBO na Boneiru. Edsel Pieter di Radio Live 99.9 FM tabata presente pa kubri e aktividat i a haña petishon.

Un Canades a puntr’e si e por a haña e pèchi ku Edsel tabatin bisti. El a gusta e pèchi i tabatin deseo pe. Edsel a hasi deseo di e Canades posibel, esta regal’é un pèchi di Radio Live 99.9 FM.

Aserka, Edsel a regalá un amigu di e Canades tambe un pachi ku nòmber di Boneiru riba dje. E tambe a gusta mashá e pèchi di Live 99, pero no tabatin mas pa ofresé.

Ámbos a keda masha kontentu loke Edsel a hasi. Mas anochi lat, Fittipaldi Pietersz a mira e Canades bistí ku e pèchi di Radio live 99.9.

Pues el a bai hotèl dal un baño, bolbe pone e pèchi riba su kabes i bai e selebrashon final ku nan tabatin djadumingu anochi. Di bèrdat el a namorá hopi di e pèchi. Pues awor Radio Live 99.9FM tin un pèchi te aya na Canada.

FUENTE:FITTIPALDI PIETERSZ/LIVE99FM