KORSOU: HELIKÒPTER DI WARDAKOSTA TA EVAKUÁ PERSONA FOR DI RIBA BARKU KRUSERO

Willemstad,- Ayera mainta Wardakosta a risibí un notifikashon pa un evakuashon médiko riba un barku krusero. Tabata trata di un hende hòmber di 66 aña di edat ku a haña un atake di kurason.

E persona ku a mèldu Wardakosta, a informá ku tin nesesidat di un helikòpter pa transportá e persona urgente pa un hospital pa e risibí kuido médiko.

E Sentro Operashonal Marítimo di Wardakosta despues di e notifikashon, a tumá kontakto ku e médiko di CITRO, ku a drenta den kontakto ku médikonan abordo di e barku krusero.

Abase di e konsulta ku e médiko di CITRO a manda e helikòpter na e krusero ku tabata na ost di Boneiru, pa rekohé e hende hòmber i hib’é aeropuerto Hato kaminda un ambulans tabata pará kla pa transport’é pa hospital. Wardakosta ta deseá e persona un pronto rekuperashon.

FUENTE:WARDA KOSTA/LIVE99FM

NEDERLANDS:

DE KUSTWACHTHELIKOPTER EVACUEERT PERSOON VAN CRUISESCHIP

Willemstad,- Gisterochtend ontving de Kustwacht een melding voor een medische evacuatie van een man op een cruiseschip ten oosten van Bonaire.

De melding betrof een 66 jarige man die aan boord een hartaanval kreeg. De man had dringend assistentie van de kustwachthelikopter nodig om hem naar een ziekenhuis te transporteren.

Na overleg met de CITRO arts en evaluatie met het medische team aan boord van het schip, heeft het Maritiem Operatie Centrum van de Kustwacht de helikopter naar het schip gedirigeerd om de man op te halen.

Vervolgens werd hij naar Hato gevlogen, waar een ziekenwagen gereed stond om hem naar het ziekenhuis te brengen. De Kustwacht wenst de man een spoedig herstel toe.