SIMAN DI LECHI DI PECHU

Kralendijk,- Siman di lechi di pechu ta ranka sali 30 di sèptèmber awor i ta dura te ku dia 6 di òktober.

E siman aki tin komo meta pa nos para ketu un ratu na e importansia di lechi di pechu, kiko tur bo derechinan ta komo mama ku ta duna yu lechi na pechu i tambe honra nos mamanan unratu mirando ku e “trabou” aki no ta fasil. Tin mama ta eksperensiá dunamentu di lechi materno untiki mas difisil ku otro.

Pa e motibu aki Sentro Akseso kier a para ketu durante e siman aki i konsientisá, eduká i informá mamanan en espera i tambe mamanan ku aktualmente ta dunando nan yu lechi materno. Esaki en kolaborashon ku Amigu di Oyevaar i tambe Stichting BONAI.

Siman di konsientisashon di lechi di pechu  ta kuminsá dia 30 di sèptèmber i lo kulminá 6 di òktober. Durante e siman aki Sentro Akseso lo tin tres seshon di informashon di kual e ultimo seshon lo ta un “happy hour” pa reflekshoná riba e seshonan anterior i tambe pasa un atardi ameno ku otro.

Chikitinnan tambe ta bonbiní.

Fechanan di e seshon nan lo ta:

2 di òktober di 7’or pa 9’or di anochi ku tema: Pa kiko lechi di pechu na Sentro di Bario Nikiboko

4 di òktober di 7’or pa 9’or di anochi ku tema: Derecho di verlòf di kòlf/ duna lechi di pechu pa mama na Sentro di Bario Tera Kòrá

5 di òktober di 4’or pa 6’or di atardi ku “Mama café” na Sentro di Bario Tera Kòrá.

Mama inskribí awe mes : https://forms.gle/GHtbCRwM5g79r2hC6

bo ta keda kordialmente invitá!