KORSOU: CBCS TA PREMIRÁ ASELERASHON DI KRESEMENTU EKONÓMIKO NA KÒRSOU.

WILLEMSTAD,-  Pa Kòrsou, ta proyektá ku kresementu ekonómiko lo aselerá di 4,2% na 2023 pa 5,4% na 2024, pa despues baha te 3,2% den 2025, segun e kalkulashonnan di Centrale Bank van Curaçao en Sint Maarten (CBCS), publiká den e Boletin Ekonómiko di sèptèmber 2024. E proyekshon akí ta 0,5 punto porsentual mas haltu ku esun di yüni.

Esei ta debí ku prestashon di sektor di turismo den e promé mitar di aña tabata mas fuerte ku loke a proyektá anteriormente, i tambe en bista di e kresementu fuerte di aktividat den sektor di konstrukshon. E kresementu den 2024 ta ser impulsá tantu pa demanda doméstiko komo demanda neto for di eksterior.

Demanda doméstiko lo krese ku mas forsa kompará ku 2023 debí na un oumento den gastu privá i di gobièrnu. E kresementu den invershon privá ta sostení pa e proyektonan di konstrukshon ku ta andando den industria di turismo, utilidat, bien rais i reparashon di barku.

Mas kresementu ekonómiko robusto E desaroyo faborabel den e promé kuartal di 2024 tabata debí prinsipalmente na un oumento den aktividat di sektor di horeka, komo resultado di e oumento den turismo di estadia i di krusero.

Fuera di esei, e oumento den e kantidat di turista a impulsá un kresementu real di balor agregá den sektor di transporte, miéntras ku sektor di konstrukshon tambe a konosé un oumento den produkshon real, reflehando e invershonnan privá ku ta andando. Pa inflashon na Kòrsou ta premirá un bahada, di 3,6% na 2023 pa 3,0% na 2024, i un bahada adishonal te 2,4% na 2025.

A revisá e proyekshon di inflashon pa 2024 i awor e ta mas haltu ku esun di yüni. Esaki ta debí ku preis internashonal di petroli ta mas haltu ku loke a proyektá inisialmente.

Atenshon pa e opstákulonan prinsipal den e union monetario No opstante e proyekshon ekonómiko faborabel akí, e Boletin Ekonómiko di sèptèmber 2024 ta inkluí un artikulo tokante e opstákulonan pa desaroyo ekonómiko ku isla chikitu manera Kòrsou i Sint Maarten por enfrentá den kaso ku akseso na finansiamentu ta limitá. ‘Sin e finansiamentu adekuá, un ekonomia lo tin difikultat pa diversifiká su base di eksportashon i lo keda sumamente vulnerabel pa shòk eksterno.

Falta di akseso na kapital pagabel ta limitá e abilidat di e empresanan lokal pa amplia, inová i hisa nan produktividat,’ asina Presidente di CBCS Richard Doornbosch a atvertí.

‘E tipo di ekonomia akí ta mas vulnerabel pa shòk eksterno ku por afektá nan desaroyo ekonómiko i prosperidat riba término largu. No muchu tempu pasá, Orkan Irma i e pandemia di COVID-19 a mustra nos kon shòk eksterno por afektá desaroyo ekonómiko severamente, mientras ku e proseso di rekuperashon di e tipo di shòknan aki por dura largu i resultá kostoso,’ asina Presidente di CBCS a enfatisá.

E artíkulo aki di e Boletin Ekonómiko di sèptèmber 2024 ta analisá retonan ku e negoshinan na Kòrsou ta enfrentá, spesialmente empresa chikí i mediano (SME). ‘Hopi di e opstákulonan ku un empresario nobo òf empresa chikí tin ku lucha kuné pa optené fiansa komersial tin di aber ku falta di garantia i difikultat pa mustra ku e tin e solvensia nesesario. P’esei, e institutonan finansiero ta mira dunamentu di krédito na e segmento di merkado akí komo algu muchu riesgoso.

Komo konsekuensia di esei, e empresanan akí ta keda sin akseso na finansiamentu formal,’ Doornbosch a splika. Mikrokrédito ta ser konsiderá komo un solushon pa e retonan ei i, mas i mas den e último añanan, fiansa di mikrokrédito ta yenando e bashí pa empresa chikí na Kòrsou ku tin mester di finansiamentu. ‘No opstante, manera e artíkulo aki ta splika, no ta muchu kla kuantu impakto e tipo di finansiamentu akí tin riba kresementu i prestashon di e empresanan,’ el a remarká. ‘

E agènda di maneho pa mehorá akseso na finansiamentu na Kòrsou i Sint Maarten lo mester enfoká riba medida struktural pa atraé invershon direkto for di eksterior (FDI). Mester implementá medida di maneho i insentivo faborabel pa invershonista, pa asina atraé e kapital ku e sektornan prinsipal tin mester.

Fuera di esei, adopshon di servisio finansiero digital i plataforma di fintech lo por hiba na mas inklushon finansiero, ya ku nan por hasi servisio bankario bira mas aksesibel i pagabel, spesialmente pa e gruponan ku ménos akseso na e servisionan akí i pa empresa chikí i mediano. Fuera di esei, si e institutonan di mikrokrédito haña un ròl mas amplio, nan lo por fungi komo fuente di rekurso finansiero pa empresa chikí i persona ku tin ménos akseso na krédito, siendo ku esakinan ta forma parti importante di ekonomia di e islanan,’ asina Presidente di CBCS ta rekomendá.

FUENTE:CBCS/LIVE99FM

NEDERLANDS:

CBCS VERWACHT VERSNELDE GROEI VOOR CURAÇAO

WILLEMSTAD,-  In Curaçao zal de economische groei naar verwachting versnellen van 4,2% in 2023 naar 5,4% in 2024 en vervolgens vertragen tot 3,2% in 2025, aldus ramingen van de Centrale Bank van Curaçao en Sint Maarten (CBCS) in haar Economisch Bulletin van september 2024.

Dit is een opwaartse bijstelling van 0,5 procentpunt ten opzichte van de voorspelling van juni, door een sterker dan aanvankelijk verwachte prestatie van de toeristische sector in de eerste helft van het jaar, gecombineerd met robuuste groei in de bouwsector.

De groei in 2024 wordt gedreven door zowel de binnenlandse als de netto buitenlandse vraag. De binnenlandse vraag zal sneller toenemen dan in 2023, dankzij hogere particuliere en overheidsbestedingen.

De particuliere investeringen krijgen een impuls door de lopende bouwprojecten in de sectoren toerisme, utiliteiten , vastgoed en scheepsreparatie. Aanhoudend robuuste economische groei De positieve ontwikkeling in het eerste kwartaal van 2024 zette de toon, voornamelijk dankzij de groei van de bedrijvigheid in de horecasector, met een toename van zowel het verblijfstoerisme als het cruisetoerisme. Daarnaast stimuleerde de stijging van het aantal toeristen de reële groei van de toegevoegde waarde in de transportsector.

Ook in de bouwsector nam de reële productie toe, gedreven door lopende particuliere investeringen. In Curaçao zal de inflatie naar verwachting dalen van 3,6% in 2023 naar 3,0% in 2024 en verder afnemen tot 2,4% in 2025.

De inflatieverwachting voor 2024 is ten opzichte van de voorspellingen van juni naar boven bijgesteld door de hoger dan verwachtte internationale olieprijzen. Voornaamste economische belemmeringen binnen de monetaire unie Ondanks de gunstige economische vooruitzichten bevat het Economisch Bulletin van september 2024 een artikel over de hindernissen voor ontwikkeling in kleine eilandeconomieën zoals Curaçao en Sint Maarten, veroorzaakt door de beperkte toegang tot financiering.

‘Zonder voldoende financiering is het voor deze economieën lastig om hun exportbasis te diversifiëren, waardoor ze zeer kwetsbaar blijven voor externe schokken. Een gebrek aan toegang tot betaalbaar kapitaal beperkt het groeipotentieel van lokale bedrijven, hun innovatievermogen en hun productiviteit,’ waarschuwt CBCS-president Richard Doornbosch.

‘Deze economieën zijn kwetsbaarder voor externe schokken die de economische ontwikkeling en welvaart op lange termijn kunnen beïnvloeden. Recente gebeurtenissen zoals orkaan Irma en de COVID-19- pandemie hebben laten zien dat externe schokken de economische ontwikkeling ernstig kunnen belemmeren, terwijl het herstel hiervan traag kan verlopen en hoge kosten met zich meebrengt,’ benadrukt de CBCS-president. Het artikel in het Economisch Bulletin van september 2024 analyseert de uitdagingen waarmee Curaçaose bedrijven, met name het midden- en kleinbedrijf (MKB), te maken hebben.

‘Belemmeringen voor startende ondernemers en kleine bedrijven bij het verkrijgen van zakelijke leningen zijn vaak een combinatie van een gebrek aan onderpand en moeilijkheden bij het aantonen van kredietwaardigheid. Financiële instellingen beschouwen leningen aan dit segment daarom als te risicovol, waardoor zij geen toegang krijgen tot formele financiële diensten,’

legt Doornbosch uit. Microkredieten worden beschouwd als een oplossing voor deze problemen. In de afgelopen jaren hebben microkredieten steeds vaker de financieringskloof voor kleine bedrijven in Curaçao gedicht.

‘Zoals in het artikel wordt besproken, is de impact op de bedrijfsgroei en het economisch succes echter niet altijd eenduidig,’ waarschuwt hij. ‘De beleidsagenda om de toegang tot financiering in Curaçao en Sint Maarten te verbeteren moet zich richten op structurele maatregelen om directe buitenlandse investeringen (FDI) aan te trekken door een investeerdersvriendelijk beleid en stimuleringsmaatregelen die het benodigde kapitaal voor belangrijke sectoren binnenhalen.

Daarnaast kunnen digitale financiële diensten en fintech[1]platforms de financiële inclusie vergroten door bankieren toegankelijker en meer betaalbaar te maken, vooral voor achtergestelde groepen en het MKB. Het uitbreiden van microfinancieringsinstellingen kan ook bijdragen aan de beschikbaarheid van financiële middelen voor kleine bedrijven en achtergestelde individuen, die een essentieel onderdeel vormen van de economieën van de eilanden,’ concludeert de president van de CBCS.

ENGELS:

CBCS EXPECTS GROWTH TO ACCELERATE IN CURAÇAO

WILLEMSTAD,-  In Curaçao, economic growth is projected to accelerate from 4.2% in 2023 to 5.4% in 2024, but slow to 3.2% in 2025, according to estimates of the Centrale Bank van Curaçao en Sint Maarten (CBCS) in its September 2024 Economic Bulletin.

The forecast represents an upward revision of 0.5 percentage points from the June projection, induced by a stronger-than-initially projected performance of the tourism sector during the first half of the year coupled with robust activity growth in the construction sector.

Growth in 2024 will be driven by both domestic and net foreign demand.

Domestic demand will increase at a faster pace compared to 2023 because of gains in both private and public spending. Meanwhile, private investment growth is sustained by the ongoing construction projects in the tourism, utilities, real estate, and ship-repair industries.

Sustaining robust economic growth The positive development in 2024’s first quarter set the tone, largely due to activity growth in the accommodation & food service activities sector, with both stay-over and cruise tourism experiencing an increase. In addition, the gain in the number of tourists fueled real value-added growth in the transportation sector, while real output rose also in the construction sector reflecting ongoing private investments. Meanwhile, inflation in Curaçao is set to drop from 3.6% in 2023 to 3.0% in 2024, and decline further to 2.4% in 2025. The inflation forecast for 2024 has been revised up from June, induced by higher-than-initially projected international oil prices.

Addressing key constraints within the monetary union Despite the positive economic forecast, the September 2024 Economic Bulletin includes a feature article on the barriers to development in small island economies such as Curaçao and Sint Maarten because of limited access to finance.

“Without adequate funding, these economies struggle to diversify their export base and, hence, remain very vulnerable to external shocks. A lack of access to affordable capital constrains the ability of local businesses to expand, innovate, and improve productivity,” cautioned CBCS president, Richard Doornbosch. “

These economies are more vulnerable to external shocks that can affect economic development and long-term prosperity. Most recently, Hurricane Irma and the COVID-19 pandemic have shown us that external shocks can severely hinder economic development, while recovery from such shocks may be slow and comes at a high cost,” the CBCS president emphasized.

The September 2024 Economic Bulletin’s feature article analyzes the challenges that businesses in Curaçao, particularly small and medium-sized enterprises (SMEs,) struggle with. “Barriers to obtaining business loans for starting entrepreneurs and small businesses often revolve around a combination of lacking collateral and difficulties in proving creditworthiness.

Consequently, financial institutions perceive lending to this segment as too risky, leading to their exclusion from formal financial services,” Doornbosch explained.

Microcredit has been put forward as a solution to address such challenges.

In the last few years, microcredit loans are increasingly filling the finance gap for small businesses in Curaçao. “However, as discussed in the feature article, their impact on business growth and economic success is not straightforward,” he further cautioned. “The policy agenda to improve the access to finance in Curaçao and Sint Maarten should focus on structural measures to attract foreign direct investment (FDI) through investor-friendly policies and incentives, which bring in needed capital for key sectors.

In addition, adopting digital financial services and fintech platforms can broaden financial inclusion by making banking more accessible and cost-effective, especially for underserved groups and SMEs. Expanding microfinance institutions could also provide financial resources to small businesses and underserved individuals, which form a core part of the islands’ economies,” the CBCS president recommended.