PELÍKULA NOBO TITULÁ LANTA’RIBA A KUMINSA KU GRABASHON

Kralendijk, – Mangazina di Rei i BalentinCreation a yega na e idea pa produsí un pelíkula enkonekshon ku selebrashon di Mangazina di Rei su edifisio ku ta bai kumpli 200 aña.

Kual Sendion Balentin ta Direktor i Eskritor di e mega produkshon, ku tin e meta pa inspirá,motivá i eduka nos hobenan i yui nan di tera tokante e mentalidat di katibu ku a wordu traspasá di generashon pa generashon. Kaminda nos mes ku nos mes ta bringa otro, diskriminashon, i prinsipalmente kon pa lanta’riba depues di kada dolo i sufrimentu pa asina logra kos nan bunita den bida.

Elenko di e produkshon ta konsisiti di Bonerianonan manera Mayjeanrick Marceli, Lizhaina Theodora Semi Marten, Luis Moka, i di Korsou Amos Balentin i Doña Elia Isenia. Pronto tur hende lo por bai mira e produkshon aki i alabes lo bai hasi un tour internashonal na diferente film festivalnan rond mundo pa promove Boneiru i logra krese e industria pa nos islanan.

FUENTE: I BALENTINCREATION/LIVE99FM