A SELEBRÁ PA DI 39 BIAHA DIA DI BONAIRE

Kralendijk,- A selebrá pa di 39 biaha Dia di Bonaire ku spich bunita durane un reunion solèm i e parti protokolar i na final ku fiesta kultural pa pueblo. De fakto ta rekòrdá ku Bonaire 525 aña pasá a bira konosí pa Europa i e pregunta ta, kua europeano a yega Bonaire. Tin ta bisa Alonso de Ojeda i otro ta bisa Amerigo Vespucci. Sinseramente bisá ami no sa ken ta ken. Tabatin spich ku a trata e lema Boneiru limpi, nos deber, nos orguyo. Konsehal Chirino-Felida a papia menshonando diferente reto di kua un krisis di identidat. Konsel Coffie a papia di kultura ku ta e faro (esun di M21) ku ta kondusí na nos futuru i e base pa logra esei ta nos identidat. Wout i Tromp a trata e lema Boneiru limpi, nos deber, nos orguyo di tal forma ku por papia di identidat di esnan ku ta sinti nan boneriano. Den un komunikado mi a trata e punto di identidat. Konsehalnan Wout i Tromp a stipulá e tipo boneriano ku nos por rekonosé, ku ta e boneriano ku ta distingui su mes for di e otro pero ta igual na e otro. Boneriano mester ta limpi den kurason, den komportashon den komunikashon i limpi spiritualmente. Konsehal Tromp a enfatisá un idioma limpi, un konsenshi limpi, mustra i duna rèspèt i empatia. Esaki ta nifiká respetá tur hende i grupo den nos komunidat ku mester ta inkluso. Reflehá ken bo ke ta. Sea ta inkluí tur hende òf ta keda apliká rasismo i diskriminashon i hinka e otro. ku ta igual kubo, den un huki. Ban planta pas i amor .

FUENTE:ARTHUR SEALY/LIVE99FM