KLOUSURA FAKANSI PLAN PA MUCHANAN DI KINDER OPVANG BON KUIDO,

Kralendijik, – Despues di 3 siman di aktividat, el a yega na su fin. Durante e temporada ku a pasa, e muchanan a hasi diferente aktividat, kore keiru bai diferente kaminda, tambe landa i djabièrnè último, a klousura e temporada. Nan a sera e temporada ku un tremendo show, usando material di kosnan resiklá. E muchanan a presentá, loke nan a siña traha durante e simannan ku a pasa. Nan tabata bistí ku diferente kos, manera saku di shushi, tayo, kùp i mas. Tambe nan a traha diferente trahe ku papel di korant. Asta dashi i pèchi nan a traha ku papel di korant i no no di kualke korant, pero di BONERIANO!

Sigur un bunita obra i muchanan tabata kontentu pa ekspresá nan kreatividat, ku nan a traha ku nan santu pasenshi. Manera ta bisa, e muchanan a keda masha kiut. Lastu kos ku nan a hasi riba e dia, kanta i balia riba un kantika ku nan a hasi huntu ku Luis Moka. Un ambiente total. Riba potrèt a aktividat djabièrnè di klousura na Kinder opvang Bon Kuido.

FUENTE: FITTIPALDI/LIVE99FM