PROTEHÁ NOS NATURALESA TA PROTEHÁ NOS KULTURA I BIENESTAR.

Kralendijk,- Na okashon di e Dia Internashonal di Reservanan di Biosfera di UNESCO, diputado di Komunidat i Kuido, Timoteo Silberie, ta enfatisá e konekshon entre naturalesa, kultura i bienestar di komunidat.

Paisahenan i biodiversidat di Boneiru ta parti di nos identidat. Kuido pa nos naturalesa ta nifiká tambe balorá konosementu tradishonal, kustumbernan i e sabiduria ku nos grandinan ta transmití na generashonnan nobo.

Silberie ta hasi un yamada na famianan, skolnan i organisashonnan pa envolví nos hubentut den siñamentu i kuido di nos medio ambiente. Esaki ta fortalesé sentido di pertenensia i responsabilidat pa nos isla.

Nos naturalesa, nos kultura i nos futuro ta konektá. Huntu nos ta kuida Boneiru, pa bienestar di awe i di generashonnan ku ta bin.

FUENTE: DIPUTADO TIMOTEO SILBERIE