SESHON DI INFORMASHON LEGACY TO FUTURE FUNDS, AREGLO DI SUPSIDIO RELASHONÁ KU PASADO DI SKLABITUT

Kralendijk,- Den kuadro di e areglo di supsidio Legacy to Future Funds, ta bai organisá seshon di informashon na Boneiru. E enkuentro aki djabièrnè 30 di òktober ta pa tantu pa fundashonnan ku a entregá un petishon di supsidio kaba, komo pa organisashonnan ku ta konsiderá di hasi un petishon.

Durante e enkuentro, partisipantenan lo risibí splikashon amplio tokante e kriteria di supsidio i e posibilidatnan pa haña sosten finansiero. Entre otro, lo trata e siguiente tópikonan:

– Diferente kategorianan di supsidio i e aktividatnan ku por bin na remarke pa supsidio;

– Kondishonnan i kriterianan ku mester kumpli kuné;

– Kon pa entregá un petishon di supsidio i kon e proseso di evaluashon ta tuma lugá;

– E próksimo periodonan pa entregá petishon di supsidio, ku atenshon spesial pa kategoria 1, ku lo habri na novèmber;

– E eksigensianan relashoná ku relato finansiero i kontenido.

Un parti importante di e enkuentro ta e oportunidat pa hasi pregunta na e representantenan ku ta envolví den ehekushon di e reglamentu di supsidio.

Ku e seshon informativo aki, Legacy to Future Funds ke kontribuí na un mihó komprenshon di e reglamentu di supsidio, pa asina fundashonnan por ta bon prepará pa hasi uso di e posibilidatnan di supsidio. E seshon informativo lo tuma lugá na Boneiru riba djabièrnè 30 òktober di 17:30 -19:30 na Business Center Bonaire, Kaya Finlandia 35, Kralendijk.

Por registrá pa partisipá via e siguiente link:

https://forms.cloud.microsoft/e/qcYH4awrN8?origin=lprLink

 Pa mas informashon por manda un whatsapp na nr. +5999 5631863

FUENTE: LEGACY TO FUTURE FUNDS/LIVE99FM