PLASA MACHI MIMI A HAÑA PLACHI DI NÒMBER OFISIAL

Kralendijk – Entidat Públiko Boneiru a develá e plachi di nòmber ofisial di Plasa Machi Mimi. Diputado Dennis Martinus a develá e plachi den presensia di famia di Machi Mimi i e direktor interino di Planifikashon i Desaroyo.

Plasa Machi Mimi ta un sitio históriko konosí den sentro di Playa. E plasa ta karga nòmber di Bernabé Dominga Evertsz, mihó konosí komo Machi Mimi. Durante hopi aña e tabata un bendedó di piská ku tur hende konosé na e sitio akí. Piskadónan tabata trese loke nan a kue i habitantenan tabata bini huntu einan. Despues nan tabata bende bèrdura i fruta tambe na e plasa akí. Di e manera akí e plasa a bira un lugá konosí pa diferente generashon di boneriano.

Durante tur e añanan famia di Machi Mimi a tene su nòmber i su historia bibu i anteriormente nan mes a pone un plachi na e plasa. Ku e plachi di nòmber ofisial nobo, for di Entidat Públiko Boneiru tambe Plasa Machi Mimi ta haña un lugá fiho i visibel.

Durante e develo diputado Martinus a para ketu na importansia di konservashon di historia di Boneiru. “Un pueblo ku konosé su historia, sa ta di unda e ta bini. E plachi akí ta yuda nos pa keda konta e storia tras di Machi Mimi nòmber i e ta duna rekonosimentu na e hendenan ku a kontribuí na Boneiru.”

Ñetu di Machi Mimi, Max Erwin Juan di Grijze, tambe a kompartí rekuerdo di su wela i di su hubentut rònt di e plasa. El a konta entre otro ku ta tras di e plasa el a siña landa.

Ku e plachi di nòmber ofisial, Entidat Públiko Boneiru ta sòru pa un parti di Boneiru su historia keda bibu.

FUENTE: OLB/LIVE99FM

NEDERLAND:

PLASA MACHI MIMI KRIJGT OFFICIEEL NAAMBORD

Kralendijk –Het Openbaar Lichaam Bonaire (OLB) heeft het officiële naambord van Plasa Machi Mimi onthuld. Gedeputeerde Dennis Martinus onthulde het bord in aanwezigheid van de familie van Machi Mimi en de waarnemend directeur Ruimte en Ontwikkeling.

Plasa Machi Mimi is een bekende historische plek in het centrum van Kralendijk. De plaza draagt de naam van Bernabé Dominga Evertsz, beter bekend als Machi Mimi. Zij was jarenlang een bekende visverkoopster op deze plek. Vissers brachten er hun vangst en inwoners kwamen er samen. Later werden er ook groente en fruit verkocht. Zo werd de plaza een vertrouwde plek voor verschillende generaties Bonairianen.

De familie van Machi Mimi heeft haar naam en geschiedenis door de jaren heen levend gehouden en plaatste eerder zelf een bord bij de plaza. Met het nieuwe officiële naambord krijgt de naam Plasa Machi Mimi nu ook vanuit het OLB een vaste en zichtbare plek.

Tijdens de onthulling stond gedeputeerde Martinus stil bij het belang van het bewaren van de geschiedenis van Bonaire. “Een volk dat zijn geschiedenis kent, weet waar het vandaan komt. Dit bord helpt ons om het verhaal achter de naam te blijven vertellen en geeft erkenning aan de mensen die hebben bijgedragen aan Bonaire.”

Ook kleinzoon Max Erwin Juan de Grijze deelde herinneringen aan zijn grootmoeder en aan zijn jeugd rond de plaza. Hij vertelde onder andere dat hij achter de plaza leerde zwemmen.

Met het officiële naambord zorgt het OLB ervoor dat een deel van de geschiedenis van Bonaire levend blijft.