NOS BANDERA TA DI FIESTA

Kralendijk – Nos bandera ku ta representá nos dushi isla Boneiru ta di fiesta. E bandera ku tur deportistá ta halsa na momentunan di viktoria..

manera Tati frans, Kiri Thode, Everon Vrutaal. E bandera ku artistanan manera Semi Marten a hiba t’e na Indonesia “Bali”.  Si’n lubida nos Miss Universe Bonaire, Nicole Peiliker-Visser. Danki, huntu nos ta saka kara di nos bunita bandera. E bandera a nase eksaktamente riba e fecha di awe 15  di desèmber 1981.

Riba 11 di desèmber 1981 e bandera di Boneiru a keda aseptá pa medio di un ordenansa. I pa 15 di desèmber 1981 e bandera di Boneiru a drenta na vigor ofishalmente.

Un fecha speshal ku nos mester rekordá, 15 di desèmber 1981. Awe t’e dia… dia di e bandera ku ta representá nos tera, el a kumpli kuarent’i kuater (44)  aña. Fundashon nos bandera kier yama pabien na pueblo di Boneiru i tambe e suidadanonan ku a aseptá nos bandera i kultura den nan kurason, danki pa a halsa i stima  i balora nos bandera. Ban sigui kuid’é i rekordá nos bandera su fecha natal 15 di desèmber 1981 pa hopi kuarent’i kuater (44) aña mas. Esaki ta di nos.
                                                                                             Fundashon nos bandera ta para fuerte pa bandera di Boneiru, ku pashon I determinashon. Klá pa traha huntu ku gobièrnu i tur otro fundashonnan ku ta forma parti di Boneiru. Por sigui nos riba facebook: Fundashon nos bandera – FNB. Tambe por sigui nos riba e kanal di whatsapp: Fundashon nos bandera – FNB pa asina bo por duna bo opinion riba proyektonan di fundashon nos bandera. Keda pendiente pa skucha mas di fundashon nos bandera den 2026. Si bo tin bandera, peg’é na auto òf his’é na laira, selebra su dia. Pabien Boneiru.

Pa duna opinion: https://whatsapp.com/channel/0029Vb7105e5kg6xbiUA4Y2q
                                                                                          

Facebook: https://www.facebook.com/FundashonNosBanderaFNB/

FUNETE:FUNDASHON NOS BANDERA – FNB/LIVE99FM