Redakshon
Kralendijk,- Bonairiaanse Tafeltennis Bond (BTTB) e aña ki a yega na turno pa di parti di International Table Tennis Federation (ITTF) ku ta e federashon madre ku tin 227 miembro den tur zeis kontinente,ku ta pone ITTF ta e federashon di deporte ku tin mas tantu miembro na mundu.
ITTF a honra BTTB e aña aki ku e programa di partisipashon DMA 2025. E programa aki ta enserá ku ITTF lo manda un eksperto/entrenadó Boneiru pa 10 dia, pa e por duna workshop, tayer i kampamentu na e hóben nan ku ta interesá òf ku ta praktiká tènis di mesa aki na Boneiru.
Pinpòn ta un deporte hopi sano i bo posibilidat pa keda leshoná ta 99 %. E deporte aki ta wòrdu mundial mente praktiká i ta un deporte ku bo por yega hopi lue i biaha hopi pa kompetí na diferente kampionato rònt mundu.
Tantu BTTB komo ITTF lo ke mira hungadó nan di Boneiru tambe riba nan lista di renking, i pa logra esaki nos mester promové i krea oportunidat nan nos hóben nan pa nan por praktiká e deporte aki. Pa dia 11 di desèmber te ku 22 di desèmber nos lo tin señor Carlos Esnard di El Salvador aki na Boneiru pa un siman largu yuda nos pa por promové e deporte di pinpòn bou di nos hóbennan di manera ku nos por krea profeshonal nan pa por partisipá na kampionato nan internashonal.
Nos lo bai duna tayer nan diferente skol, NSO nan i tambe un kampamentu pa e hóben nan ku ta formando parti di nos e selekshon di BTTB hubenil aworakí, naturalmente nos lo ke mas hóben pa partisipá na e kampamentu ku lo bai kumindá djasabra 13 i djadumingu 14 di desèmber di 9am pa 12am na Kolegio Kristu Bon Wardador i despues nos lo sigui di 12 pa 4or na Kunuku de Vossen ku e kampamentu.
Día 12 di desèmber awor di 4:40 pa 5:30 lo bai tin un dia habri na Kolegio Kristu Bon wardador. BTTB kier invitá tur e hóben nan ku ke sera konosí ku e deporte di pinpòn por pasa e dia aki i asina konosé e deporte i wak si e ta algu pa bo.
BTTB kier yama danki nan Kolegio Kristu Bon Wardador ku a pone nan sala disponibel i tambe nan Akseso a fasilitá BTTB e sentro di Bario nan pa ku e práktika nan. Señor Junny Vos presidente di BTTB kier a partisipá ku hóben nan di e bario lo por asera nos pa wak ki dia nos ta den nan bario asina ki nan tambe por bin práktika.
Programa di e kampamentu ku e eksperto do ITTF
12 desenber’25 4:30 pa 5:30 dia habri na Kolegio Kristu Bon Wardador.
16 desèmber’25 5pm pa 8pm Sentro di Bario Ambiona, 17 desèmber’25 5pm-8pm Sentro di Bario Nikibiko, 18 desèmber 5pm pa 8pm Sentro di Bario Tera Kora, 19 desèmber 5pm pa 8pm Sentro di Bario Nikiboko,
Dia 20 di desèmber lo bai tin e “kerstbout Toernooi”, pa tur e partisipantenan nan e kampamentu.
Pa mas informashon pa e training nan i e kampamentu por yama señor Junny Vos nan +599 7957196
FUENTE: BONAIRIAANSE TAFEL TENNIS BAND (BTTB)/LIVE99FM
GIPHY App Key not set. Please check settings