GGD BONEIRU TA WAK BÈK RIBA UN EKSITOSO SEMINAR TOKANTE SALÚ SEKSUAL

Kralendijk – Ku orguyo GGD Boneiru ta wak bèk riba un eksitoso seminar di dos dia tokante salú seksual. Durante e dianan akí profeshonalnan for di Boneiru, Saba i Sint-Eustatius a bini huntu pa presentashonnan inspirativo i tayernan interaktivo.

Ta importante pa hende ta salú i salú seksual tambe ta forma parti di esaki. Ta trata di un manera positivo i respetuoso pa anda ku seksualidat. Bon informashon pa tur edat ta yuda hende pa hasi eskoho na un manera salú i konsiente.

E promé dia tabata den signo di Mi futuro, mi eskoho konsiente (Embarasá awor akí nò). E programa akí ta sostené klientenan i ta kapasitá profeshonalnan pa papia abiertamente tokante un deseo pa haña yu, i tokante seksualidat i antikonsepshon. Durante e seminar nan a konta kon e programa a kuminsá na Boneiru i kua ta e promé resultadonan. Entre tantu 60 profeshonal a haña kapasitashon i a nombra 18 funshonario dediká na e tema. For di e komienso dia 2 di yüni, ya kaba nan a tene 28 kòmbersashon tokante un deseo pa haña yu.

Relashon i seksualidat tabata sentral riba e di dos dia. Diferente profeshonal di Boneiru a presentá nan trabou i a kompartí nan eksperensianan. Koleganan for di Saba i Sint-Eustatius a konta tokante nan trabou i tokante kiko nan a siña. Esaki a sòru pa interkambio i inspirashon balioso. Banda di esaki hóbennan a bini na palabra den un podcast ku a keda grabá na e sitio ei mes.

Mas aleu GGD Boneiru a presentá e último desaroyonan riba tereno di formashon relashonal i seksual. Pa basta tempu kaba GGD ta duna informashon seksual na hóbennan. Awor akí GGD ta ofresé guia i kapasitashon pa skol i organisashon di hóben tambe. E meta ta pa duna mihó sosten na nos hóbennan den nan desaroyo. Entretantu ya kaba a kapasitá 82 profeshonal den formashon relashonal i seksual.

Finalmente nan a duna splikashon tokante e ora di konsulta pa salú seksual di GGD Boneiru.

Habitantenan por akudí akinan pa pregunta i konseho tokante seksualidat, deseo pa haña yu, antikonsepshon i malesa transmití seksualmente (soa). Ta posibel tambe pa hasi un tèst grátis di soa. E enfermera(o)nan ta traha segun sita i nan ta alkansabel for di djaluna te ku djabièrnè entre 08:00 or i 17:00 or.

Pa mas informashon òf pa traha un sita pa e konsulta pa salú seksual, habitantenan por yama òf manda un mensahe di Whatsapp na +599 790 7373.

FUENTE: OLB/LIVE99FM

NEDERLANDS:

GGD BONAIRE KIJKT TERUG OP EEN SUCCESVOL SEMINAR OVER SEKSUELE GEZONDHEID

Kralendijk – De GGD Bonaire kijkt met trots terug op een succesvol tweedaags seminar over seksuele gezondheid. Tijdens deze dagen kwamen professionals van Bonaire, Saba en Sint Eustatius samen voor inspirerende presentaties en interactieve workshops.

Het is belangrijk dat mensen gezond zijn, ook de seksuele gezondheid is daar een onderdeel van. Het gaat om een positieve en respectvolle manier van omgaan met seksualiteit. Goede informatie voor alle leeftijden helpt mensen om gezonde en bewuste keuzes te maken.

De eerste dag stond in het teken van Mi futuro, mi eskoho konsiente (Nu Niet Zwanger). Dit programma ondersteunt cliënten en traint professionals om open te praten over kinderwens, seksualiteit en anticonceptie. Tijdens het seminar werd verteld hoe het programma op Bonaire is gestart en wat de eerste resultaten zijn. Inmiddels zijn 60 professionals getraind en 18 aandachtsfunctionarissen aangesteld. Sinds de start op 2 juni zijn er al 28 gesprekken over kinderwens gevoerd.

Relaties en seksualiteit stonden centraal op de tweede dag. Verschillende professionals van Bonaire presenteerden hun werk en deelden hun ervaringen. Ook collega’s van Saba en Sint Eustatius vertelden over hun werk en wat zij hebben geleerd. Dit zorgde voor waardevolle uitwisseling en inspiratie. Daarnaast kwamen jongeren aan het woord in een podcast die ter plekke opgenomen werd.

Verder presenteerde GGD Bonaire de laatste ontwikkelingen op het gebied van relationele en seksuele vorming. De GGD geeft al langere tijd seksuele voorlichting aan jongeren. Nu biedt de GGD ook begeleiding en trainingen aan voor scholen en jongerenorganisaties. Het doel is om de jeugd beter te ondersteunen in hun ontwikkeling. Inmiddels zijn er al 82 professionals getraind in relationele en seksuele vorming.

Tot slot werd het spreekuur seksuele gezondheid van de GGD Bonaire uitgelegd. Inwoners kunnen hier terecht voor vragen en advies over seksualiteit, kinderwens, anticonceptie, soa’s. Ook is het mogelijk om gratis een soa-test te doen. De verpleegkundigen werken op afspraak en zijn bereikbaar van maandag tot en met vrijdag tussen 08.00 en 17.00 uur.

Voor meer informatie of het maken van een afspraak bij het spreekuur seksuele gezondheid kunnen inwoners bellen of een WhatsApp-bericht sturen naar +599 790 7373.