🌟 SEGUNDO EDISHON DI SIKLO DI CHARLA FRANS BOOI NA FUHIKUBO 🌟

Kralendijk,- Despues di un promé edishon exitoso, FuHiKuBo ta invitá bo pa e segundo edishon di Siklo di Charla Frans Booi, titula: “Eko di Afrika: Spiritualidat Krioyo na Boneiru”. E charla ta na enkargo di e konosido investigadó di etnografia, Bob Harms. 

Den e charla aki, Bob Harms lo para ketu na orígen di loke nos konosé komo spiritualidat “krioyo” na Boneiru, prinsipalmente konseptonan di mal airu, ku nos konosé komo “Fuku”, venerashon di santu, elaborashon di “furu” i “kontra”, pero sigur tambe konseptonan di sanashon krioyo, konosí na Boneiru komo “Kurandería”. Kontenido di e charla aki ta forma parti di e buki skirbí pa Bob Harms, titulá: Eko di Afrika: Spiritualidat Krioyo na Kòrsou, Aruba i Boneiru, kual lo ta públika den e di dos mitar di e aña aki.

Despues di e charla tin espasio pa un diálogo de kua por hasi pregunta i interkambiá idea.

📅 Fecha:         18 febrüari
🕖 Ora:               19:00 – 21:00
📍 Lugá:            Fundashon Antriol Avanti
🗣 Idioma:         Papiamentu

🎟 Pone atenshon: kantidat di asento ta limitá, pues sòru pa inskribí tempran pa medio di Whatsapp na +5997950020 pa reservá bo lugá.

E proyekto aki ta bira posibel pa medio di supsidio di Het Cultuurfonds Caribisch Gebied.

FUENTE: FUHIKUBO/LIVE99FM