M21 KU KARTA PA KONSEHO INSULAR PA KU SELEBRSHON DIA DI BONEIRU.

Kralendijk, – E eskudo di Bonaire a keda stipulá ofisialmente pa medio di un dekreto fechá 29 di yüni 1986, nr. 9 (A.B. 1988, nr. 13) i desde 2010 stipulá pa un Dekreto Real.  E eskudo ta e emblema ku Entidat Públiko ta usa den su komunikashonnan ofisial. Na mi humilde opinion e no ta símbolo di identidat di Bonaire, manera ta e kaso ku e himno (alma di komunidat boneriano) i e bandera (símbolo di union).

Den un karta di invitashon dirigí na Konseho Insular pa selebrashon/konmemorashon di Dia di Bonaire dia 6 di sèptèmer 2026, mi a tuma nota ku a usa e emblema aki den un forma kambiá for di esun original. Na di dos lugá mi a tuma nota ku a usa komo tema e aña aki pa selebrashon/konmemorashon di Dia di Bonaire 40 aña di e emblema.

E dos puntonan aki a hala mi atenshon i komo tal mi ta hasi e siguiente preguntanan:

1. E eskudo di Bonaire ta forma parti di e símbolonan ofisial korespondiente na DIA DI

BONAIRE?

2. Si ta “Sí”; splikami kiko e ta representá i si ta “Nò”, pakiko ta usé komo tal; a pidi

konseho kon usa e emblema aki, ta eksisti regla pa su uso meskos ku ta eksistí

regla pa uso di e bandera di Bonaire? Por kompartí e konseho(nan) risibí ku

Konseho Insular den maksimal 7 dia despues di risibí e karta aki?

3. Kolegio Ehekutivo por a informá Konseho Insular kua ta e reglanan di uso di e

eskudo aki sigur ora ta desviá for di esun original manera stipulá den e dekretonan

menshoná?

4. Kolegio Ehekutivo por a informá Konseho Insular ki relashon e eskudo tin ku selebrashon/

konmemorashon di DIA Di BONAIRE?

5. Despues di e tantísimo diskushonnan aña pasá rondó di selebrashon/konmemorashon

di DIA DI BONAIRE, Kolegio Ehekutivo por indiká na Konseho Insular kiko

nifikashon ta i/o tin ku duna na DIA Di BONAIRE? Kua ta e protokòl ku tin ku karga

e selebra- shon/konmemorashon aki?

6. Kolegio Ehekutivo ta kompartí ku mi ku selebrashon/konmemorashon di DIA DI

BONAIRE tin un nifikashon muchu mas profundo pa ku nos identidat komo un

pueblo pa kada biaha di nobo e ta tópiko i ta suheto na kreatividat di e momento i

komo tal ta kita e enfoke di su nifikashon real i profundo pa nos pueblo? Kolegio

Ehekutivo por amplia riba esaki?

7. Ki akshon Kolegio Ehekutivo lo tuma, relashoná ku e forma ku e kosnan a kristalisá

e aña aki rondó di DIA DI BONAIRE, pa restablesé e selebrashon/konmemorashon

den su dignidat kompleto?

Komo ku ta trata di e mesun tema, esta selebrashon di DIA DI BONAIRE, mi ta hasi e

siguiente preguntanan tokante e adorno na e rotòndenan relashoná ku DIA DI BONAIRE.

Den medianan i di propio opservashon, mi a tuma nota di un bandera di Bonaire o

alomenos un parti di e Bandera di Bonaire pegá ku un bandera di kual su kolónan ta

paresido na e bandera di Alemania.

1. Kolegio Ehekutivo por a duna Konseho Insular un splikashon total di e adorno i e

ròl di e bandera menshoná?

2. Kolegio Ehekutivo por a komaprtí e protokòl di e selebrashon pa dia 6 di sèptèmber

2026 ku Konseho Insular?

Konforme reglamentu di orden artikulo 45 mi ta deseá pa risibi e kontestanan por eskrito

dentro di máksimal 7 dia pa asina tin tempu pa si mester korigí un ke otro esaki por tuma

lugá promé ku e selebrashon/konmemorashon di DIA DI BONAIRE 2026.