BONEIRU DEN ALERTA: TA TEMPU PA AKTUA PA NOS FAMIANAN

Kralendijk,- Partido Pro Hustisia i Unión, bou di liderato di Rafael Santana, ta hasi un yamada urgente na tur líder i ciudadano di Boneiru: nos no por sigui asina.

Awor nos ta mira klaramente kiko ta pasando na San Martín — famianan ku no por paga produkto básiko pa nan bida diario. Pero e mesun realidat aki ta kaba di yega na nos porta.

E pregunta ta: nos lo aktua òf nos lo sigui wak? Durante aña, Rafael Santana a advertí ku nos modelo aktual no ta sostenibel.

Nos ta dependé kasi kompletamente di importashon for di Estados Unidos, ku ta bira cada biaha mas karu. Esaki no ta un estratehia — esaki ta un riesgu grandi pa nos pueblo. Mientras tanto, solushonnan ta eksistí den nos mes region.

República Dominicana tin un kapasidat fuerte di produkshon agríkol: karni, aroz, suku, sal i otro produkto esensial — na preis mas asequibel.

Sinembargo, nos a keda pegá na un sistema ku ta pone preshon riba e bolsu di kada famia. Loke ta mas grave ainda ta e falta di aksion: niun plan konkret, niun desishon kla — solamente palabranan, mientras ku nos famianan ta sinti e preshon kada dia.

Nos pueblo a duna oportunidat bario biaha. Pero konfiansa tin su límite. E ora a yega pa kambia rumbo. Mirando pa 2027, si Rafael Santana i Partido Pro Hustisia i Unión haña e mandato di pueblo, nos lo aktua sin duda: ·

Entregá tereno na famianan ku ya tin nan petishon legalmente. · Habri ruta di importashon direktamente for di República Dominicana pa baha preisnan.

· Krea un sistema di benta ku preis preferensial pa protehá e famianan ku mas mester.

Esaki no ta promesa bashí. Esaki ta un plan pa supervi

E mundu ta kambia i krísis ta serka. Nos no por warda te ora e problema bira katastrofe. Manera nos mes ta bisa: bo no ta warda urakan pa sera bentana.

Ta tempu pa laga diferensianan i diskushonnan inútil atras. Ta tempu pa pone bienestar di nos famianan na promé lugá. Ta tempu pa aktua.

Na nòmber di direktiva di Partido Pro Hustisia i Unión, nos ta hasi e yamada aki ku responsabilidat i kompromiso pa nos komunidat.

Na nòmber di su presidente Rafael Santana, sekretario Florentino Marroquin, Terecce jandroup Tesorero, Porfirio de los Santos, Serapio Rodríguez, Franklin Nicolás, Luis, Delgado Alvarado, Francisco Cueva Colón, huntu ku tur otro miembronan, nos ta hasi un yamada pa union.

FUENTE: PARTIDO PRO HUSTISIA I UNIÓN