RATIFIKASHON DI LIDERASHIP DI RAFAEL SANTANA

Kralendijk,- For di 1999, Rafael Santana a lidera e proseso di fundashon i konsolidashon di un partido polítiko na Boneiru ku un propósito klaro: defende e derechonan i bienestar di e famianan di nos isla.

Na 2009, e partido a wordu notarisá oficialmente, i na 2010 nos a participá den elekshonnan, logrando nos promé escaño.

Esaki a marka un paso históryko den representashon polítiko di e famianan di Boneiru. Ta importante pa enfatisa ku Rafael Santana ta, i semper a keda, e presidente estatutario di e partido.

Aunke na 2012 otro personanan a tuma funshonnan operashonal, e presidensia estatutario nunca a keda for di su man. Kualke intento pa pone na duda su lideraship no tin fundamentu legal ni estatutario.

Durante e último añanan, ora ku e partido a move leu di su mision original, Rafael Santana a tuma iniciativa pa revitalisá i fortalecé su struktura organizashonal.

Den e marco aki, a tene diferente reunionnan interno, for di kua a sali e desishon pa konvoká un asamblea formal. E asamblea aki a wordu realisá ku éxito.

Durante e mes, un direktiva nobo a wordu formá i e miembronan presente a ratifiká Rafael Santana komo presidente di e partido, rekonosiendo su lideraship legal i estatutario.

E proseso aki ta konfirmá klaramente ku Rafael Santana ta e lider legítimo di e partido, ku respaldo di e asamblea i di e estatutonan.

Den un proksimo reunion di prensa nos lo duna mas informashon na komunidat di Boneiru tokante e plan i aksionnan ku lo wordu implementá pa sigui kumpli ku e mision original di e partido: protehá, fortalecé i sirbi e famianan di Boneiru, garantisando igualdad di derechonan i stabilidat pa tur hende.

Rafael Santana ta reafirmá su kompromiso firme ku komunidat i ku e famia boneriano. Su lideraship ta firme, legítimo i dediká na kumpli ku e mision fundashonal di e partido.

FUENTE: PARTIDO PRO JUSTICIA I UNIÓN (P.H.U.) RAFAEL SANTANA