E KASO BONEIRU NA NASHONAN UNI: UN INFORMASHON LEGAL RIBA DERECHONAN, STATUS I AUTODETERMINASHON DOR DI SPESHALISTA DEN LEY I DERECHO INTERNASHONAL

Kralendijk,- Bo a pensa algun biaha kon Nashonnan Uni por sostené Boneiru, i kua ta e benefisionan di e trayekto di Bonaire Human Rights Organization pa pone Boneiru riba Lista di Teritorionan Sin Propio Gobernashon di Nashonan Uni?

Riba 25 di januari 2026, un presentashon privá riba e Kaso Boneiru lo wordu duna pa Dr. Richard A. Byron-Cox,  Speshalista bishitante di Nashonan Uni ku mas ku 30 aña di eksperensia di trabou na Nashonan Uni.

E presentashon lo duna un análisis legal di e status polítiko i konstitushonal di Boneiru bou di derecho internashonal, ku un enfoke spesífiko riba e derecho na autodeterminashon, prinsipionan di dekolonisashon, i e obligashonnan di e poténsianan administradó bou di e Karta di e Nashonan Uni i Ley Internashonal.

Dr. Richard A. Byron-Cox un eskritor nase den Karibe i tin un PhD den Derecho Públiko Internashonal. E ta entrená  akademikamente den ley, diplomasia, polítika eksterior i relashonan internashonal, ku estudionan superior kompletá den Karibe, Europa i Amerika Latino.

E presentashon akí tin komo meta pa informá i empodera stakeholders I representantenan di sosiedat sivíl, dor di klarifiká e derechonan, benefisionan i e kamindanan disponibel den e sistema di e Nashonan Uni pa trata ku kuestiónnan kolonial i di derechonan humano ku ainda no ta wordu  atende debidamente  I ku ta afektá Boneiru.

Fecha: 25 Januari 2026

Ora: 2:00PM- 4:00PM

Luga: Business Center Bonaire

Seshon Privá – Solamente ku Invitashon, sigui pa un Resepshon di Koktail

Pa haña un invitashon pa e presentashon, por tuma kontakto ku:

Bonaire Human Rights Organization

James Finies

Davika Bissessar Shawe

Tel/WhatsApp: 786 4576

FUENTE: BONAIRE HUMAN RIGHTS ORGANIZATION