YAMADA PA KANDIDATO DI KONSEHO DI TRABOU (MR) LISEO BONERIANO

Kralendijk,- Konseho di Trabou (Medezeggenschapsraad) (MR) di Liseo Boneriano tin un ròl importante den yuda pensa huntu i tuma desishon tokante e polítika di skol.

Den MR tin representantenan di e personal, studiantenan i mayornan. Na e momento akí tin un (1) espasio disponibel pa un representante di mayornan den e Medezeggenschapsraad (MR) di LISEO.

Nos ta invitá tur mayor òf tutor ku tin yu bayendo Liseo Boneriano ku tin interes  pa forma parti di MR LISEO pa presentá nan kandidatura pa e posishon aki. Komo miembro di MR, bo ta representá tur mayor i bo ta kontribuí den desaroyo i kalidat di nos enseñansa.

Kandidatura i seshon di informativo
Mayornan ku ke presentá nan kandidatura pa forma parti di MR di Liseo por manda un e-mail na:

mr.liseo2025@outlook.com
Bo por registrá te ku dia 14 di desèmber 2025, 24:00 or.

Tur kandidato ku registrá lo risibí un invitashon, tambe esnan ku kier mas informashon por asistí na e reunion informativo, dia 10 di desèmber 2025, pa 7or na Liseo.  Na kua nos lo splika, kiko ta enserá ta un miembro di MR, kon e responsabilidatnan ta funshoná i kon e proseso di votashon ta tuma lugá.

Votashon
E votashon pa forma parti di MR Liseo lo tuma lugá dia 15 desèmber 2025, entre 07:00 – 24:00 ora te dia 17 desèmber 2025. E votashon lo keda organisá na un manera demokrátiko, pa duna tur mayor òf tutor ku tin yu ta bai Liseo oportunidat pa vota.

Nos ta spera riba un bon koperashon di mayornan ku tin gana pa traha na benefisio di nos studiantenan i pa sigui mehorá nos kalidat di enseñansa.

FUENTE: KOMISHON DI ELEKSHON MIEMBRO DI MR LISEO/LIVE99FM