ACE FOUNDATION TA MIRA BÈK RIBA  NA UN SIMAN EKSITOSO KU TIO ALI

Kralendijk–ACE Foundation huntu ku e artista di Kòrsou Alvin “Tio Ali” Inecia ta mira bèk riba  un siman edukativo i inspirativo na Boneiru. Entre 10 pa 14 di novèmber, mas ku 800 mucha di skolnan i akohida a gosa di su presentashon interaktivo yen di músika, poema i kuenta.

ACE Foundation huntu ku Tio Ali  a duna aporte na siman di buki pa mucha 2025.

Aparte di e presentashonnan, Tio Ali a duna workshop na studiantenan di trahadó pedagógiko  na `Scholen Gemeenschap Bonaire`, i tambe a hasi un seshon di `teambuilding` pa trahadónan di un akohida pa mucha.

Reakshon di e muchanan tabata un gran impreshon pa Inecia. Muchanan di Kolegio Emmy Schermer ta esnan ku a hasi mas impreshon.

“Nan tabata fenomenal i nan a inspirá mi,” segun Inecia. “Maestronan a bisa ku e grupo por ta un  reto , pero mi no a sinti  esaki. Alkontrario, un studiante den ratu di ora, a skirbi un rima i mi a gui’é ku e parti musikal. Bunita pa eksperensiá.’’

E momentu kulminante tabata 13 di novèmber, ku e presentashon di e kuenta “Aventura ku Ritmo” na Creative World, un homenahe na Tio Ali. Riba e dia aki ACE Foundation a duna Tio Ali un rekonosementu den forma di un trofeo ku ta bisa “Danki Alvin `Tio Ali ` Inecia pa e bunita trabou di entretené pa eduka komunidat di Reino Hulandes. Boneiru 13 di novèmber 2025’’.

Segun Inecia, su teknika ta simpel:

“Kombiná entretenimiento ku edukashon. Ku plaser i ripitishon, mucha ta siña I keda kòrda. Esaki ta yuda nan desaroyo.”

ACE Foundation ta hopi kontentu ku  e siman  i spera pa risibí Tio Ali bèk riba Boneiru den futuro.

FUENTE: ACE FOUNDATION/LIVE99FM

NEDERLANDS:

ACE FOUNDATION KIJKT TERUG OP SUCCESVOLLE WEEK MET TIO ALI

Kralendijk–De ACE Foundation kijkt samen met de Curaçaose artiest Alvin “Tio Ali” Inecia terug op een inspirerende educatieve week op Bonaire.

Tussen 10 en 14 november hebben ruim 800 kinderen van basisscholen en kinderdagverblijven genoten van zijn interactieve optredens vol muziek, gedichten en verhalen. Samen met ACE Foundation heeft Tio Ali ook zijn bijdrage geleverd aan de kinderboeken week 2025.

Naast voorstellingen voor kinderen verzorgde Tio Ali ook workshops voor studenten Pedagogisch Medewerker bij de SGB en gaf hij een teambuilding aan een  kinderdagverblijf. De reacties van de kinderen maakten grote indruk op hem. Vooral de leerlingen van Kolegio Emmy Schermer bleven hem bij.

“Zij waren geweldig en hebben mij geïnspireerd,” zegt Inecia. “Er werd gezegd dat de groep uitdagend kan zijn, maar dat heb ik niks van gemerkt Integendeel. Een student heeft ter plekke een rijm gemaakt en heb ik deze met muziek begeleidt. Heel mooi om mee te maken.”

Het hoogtepunt was op 13 november, tijdens de drukbezochte presentatie van het verhaal “Aventura ku Ritmo” bij Creative World, een ode aan zijn methode.

Op deze dag heeft Tio Ali een trofee ontvangen in met de woorden “Danki Alvin `Tio Ali ` Inecia pa e bunita trabou di entretené pa eduka komunidat di Reino Hulandes. Boneiru 13 di novèmber 2025’’. Dit namens ACE Foundation

Volgens Inecia is zijn aanpak eenvoudig maar effectief:

“Vermaak én educatie samen. Door plezier en herhaling leren kinderen beter. Dat helpt in hun ontwikkeling.”

ACE Foundation is trots op het resultaat en hoopt Tio Ali opnieuw te mogen ontvangen op Bonaire.