KURSO DI DIGITALISASHON I ONLINE BANKING A START

Kralendijk – Djamars 18 di novèmber 2025 Fundashon Forma den estrecho koperashon ku MCB, Stichting Lezen en Schrijven i Akseso ta start un kurso di abilidat digital i konosementu di finansa.

E kurso tin un durashon di 3 siman ku enkuentronan dos bia pa siman. E kursistanan lo haña lèsnan ku lo amplia nan abilidat riba uso di kòmpiuter. E abilidatnan akí nan por usa despues den e siguiente lès praktikando transakshon bankario via Internèt, bou di guia di profeshonalnan di MCB.

Nos a haña hopi reakshon pa e kurso akí p’esei den luna di febrüari nos lo tin un kurso mas.

Pa inskribí por pasa na Fundashon FORMA, Kaya Gavilan sin number i yena e formulario di inskripshon.

FUENTE: FORMA/LIVE99FM