ENSENANSA TEMPU DI NIEWINDT

Kralendijk,-Kuater minister di enseñansa a reuní na Bonaire pa trata diesdos punto. Loke mi a komprondé ta ku a papia entre otro tokante pasado di sklabitut.

Awor kua grupo sosial tokante pasado di sklabitut a partisipá na e reunion. Komo kordinadó di Grupo di Diálogo Bonaire mi ke sa kiko a disidí pa nos sin nos pa usa ekspreshon di Konsehalnan. Asuntu di pasado di sklabitut a bira un kos di hunga di komishonnan instituí pa gobièrnu i Kolegionan Ehekutivo kaminda tin kapital pa proyektonan fantasma ku no ta benefisiá desendientenan ku fam hañá despues di abolishon pero sí grupitonan pa traha kánòn, digitalisashon di archivo, interkambio di patrimonio kultural i papiamentu.

Laga nos ta korekto riba e punto di pasado di sklabitut. Bonaire no tin eksperto pa hasi trabou na òrdu riba e puntonan menshoná. Hulanda a pone 200 mion pa proyektonan relashoná ku pasado di sklabitut. 100 mion pa intensifikason di maneho 100 mion pa inisiativanan sosial. Pa Bonaire e repartishon ta 5.6 mion pa maneho i 5.6 mion pa e parti sosial.

Grupo di Diálogo su proyekto a bai riba e parti di maneho loke te awe no ta aseptabel pa e grupo. A pidi pa laga e proyekto bai bou di e pia sosial pero a komprondé ku Hulanda a bisa no. Awèl laga nos ta onesto. Kon ta duna sèn den kuadro di diskulpa i pidi pordon ta disidí ku si no gasta e sèn den e temporada stipulá e sèn ta bai Hulanda .

Bo no por duna sèn pa traha riba konsientisashon, kombatí diskriminashon, rasismo den Reino anto ta bini ku eksigensia apsurdo i aseptá pa nos manehadónan. Despues di mas ku shen ainda nos ta keda ku e mentalidat di katibu i tilda Hulanda di ta kolonial. Grupo Di Diálogo su punto di bista ta kla. E proyekto di fam ku katibunan a haña despues di abolishon ta di henter pueblo i mester  ta riba e pia sosial i si Hulanda bisa no i para riba su eksigensia Grupo Di Diálogo ta bisa Hulanda keda ku bo sèn i no warda te ora bo eksigensia apsurdo mará na tempu drenta na vigor.

Pa motibu di sèn Kolegio Ehekutivo di Bonaire a laga Hulanda hasi i deshasí. Ta nos di Bonaire mester ta tras di stürwil ku Bonaire tin un órgano finansiero independiente pa manehá e 5.6 mion pa gruponan sosial.

FUENTE: ARTHUR SEALY