BONEIRU TA WAK BÈK RIBA ELEKSHON DI TWEEDE KAMER 2025

Kralendijk – Un biaha mas habitantenan di Boneiru a hasi uso di nan derecho importante pa vota durante e Elekshon di Tweede Kamer ku a tuma lugá dia 29 di òktober 2025.

Votashon ta un momentu importante kaminda habitantenan por laga skucha nan bos tokante futuro di Hulanda i Hulanda Karibense.

Pa duna habitantenan sosten na momentu di determiná pa ken nan ke vota, a desaroyá e ‘KiesKompas’ Hulanda Karibense. E hèrmènt online pa votashon akí tabatin komo meta pa yuda habitantenan di Boneiru, Sint Eustatius i Saba hasi un eskoho konsiente durante e elekshon.

E aña akí 15.578 habitante tabatin derecho di voto na Boneiru. En total 3.294 habitante a bai vota, loke ta nifiká un asistensia di 21,5%. Na aña 2023 esaki tabata 4.037. E elekshon a bai trankil i nèchi, i e organisashon a kana bon.

Kordinashon di e elekshon tabata den man di departamento di Asuntu Sivil di Entidat Públiko Boneiru. Entidat Públiko Boneiru ta gradisí tur miembro di e urnanan elektoral i tur boluntario i empleado ku a duna un aporte pa e elekshon a kana bon. Danki na nan dedikashon, habitantenan por a vota na un manera seif i sin problema.

Riba nivel nashonal D66 a resultá ganadó di e Elekshon di Tweede Kamer 2025.

Finalmente departamento di Asuntu Sivil di Entidat Públiko Boneiru i Konseho Elektoral lo partisipá na un momentu di evaluashon.

Durante e konsulta akí nan ta deliberá tokante e eksperensianan i puntonan importante di Boneiru, di manera ku por hasi uso di esakinan durante próksimo elekshonnan.

FUENTE: OLB/LIVE99FM

NEDERLANDS:

BONAIRE KIJKT TERUG OP TWEEDE KAMERVERKIEZING 2025

Kralendijk – Inwoners van Bonaire hebben opnieuw gebruik kunnen maken van hun belangrijke recht om te stemmen bij de Tweede Kamerverkiezing dat plaatsvond op 29 oktober 2025.

Stemmen is een belangrijk moment waarop inwoners hun stem kunnen laten horen over de toekomst van Nederland en Caribisch Nederland.

Om inwoners te ondersteunen bij het bepalen op wie zij willen stemmen, is het KiesKompas Caribisch Nederland ontwikkeld. Deze stemhulp had als doel om de bewoners van Bonaire, Sint Eustatius en Saba te helpen een bewuste keuze te maken tijdens de verkiezing.

Op Bonaire waren dit jaar 15.578 inwoners kiesgerechtigd. In totaal brachten 3.294 inwoners hun stem uit, wat neerkomt op een opkomst van 21,5%. In 2023 was dit 4.037. De verkiezing verliep rustig en netjes, en de organisatie verliep goed.

De coördinatie van de verkiezing was in handen van de afdeling Burgerzaken van het Openbaar Lichaam Bonaire (OLB). Het OLB bedankt alle stembureauleden, vrijwilligers en medewerkers die hebben bijgedragen aan het goed verlopen van de verkiezing. Dankzij hun inzet konden inwoners veilig en zonder problemen stemmen.

Landelijk kwam D66 als winnaar uit de Tweede Kamerverkiezingen 2025.

Tot slot zal de afdeling Burgerzaken van het OLB en de Kiesraad deelnemen aan een evaluatiemoment.

Tijdens dit overleg worden de ervaringen en belangrijke punten van Bonaire besproken, zodat ze gebruikt kunnen worden bij toekomstige verkiezingen.