ARUBA, BONEIRU I KÒRSOU TA UNI FORSA PA PAPIAMENTU.

Kralendijk,- E paisnan Aruba i Kòrsou i Entidat Públiko Boneiru ta traha huntu riba desaroyo i promoshon di papiamentu – na Aruba konosí komo papiamento i na Boneiru i Kòrsou konosí komo papiamentu.

Awor akí ta sigui elaborá e akuerdo di kolaborashon ku na luna di yüli 2025 e diputado di e tempu ei, Nina den Heyer, a firma. Debí na e kambio resien di diputado, a deliberá tokante dunamentu di kontenido mas aleu na e akuerdo durante un enkuentro di sera konosí dia 6 di novèmber 2025 entre minister Sithree van Heydoorn (Kòrsou), minister Gerlien Croes (Aruba) i diputado Peter Silberie (Boneiru).

E akuerdo, ku ta vigente pa un periodo di tres aña, ta enfoká riba inisiativanan konhunto pa enseñansa, desaroyo di medio di instrukshon, profeshonalisashon di dosente i promoshon di idioma. Un grupo di trabou ku ta konsistí di representantenan di e tres islanan lo formulá un programa di trabou ku ta forma e kuadro práktiko pa proyektonan konhunto i interkambio di konosementu. Ehekushon di esaki lo tuma lugá despues di aprobashon atministrativo. Boneiru ta asumí e promé presidensia.

Ku e kolaborashon akí Aruba, Boneiru i Kòrsou ta konfirmá nan kompromiso kompartí pa konservashon, desaroyo i fortifikashon di papiamentu komo idioma konektivo den Reino Hulandes.

FUENTE: OLB/LIVE99FM

NEDERLANDS:

ARUBA, BONAIRE EN CURAÇAO BUNDELEN KRACHTEN VOOR HET PAPIAMENTS.

Kralendijk,- De landen Aruba en Curaçao en het Openbaar Lichaam Bonaire werken samen aan de ontwikkeling en promotie van het Papiaments – op Aruba bekend als Papiamento en op Bonaire en Curaçao als Papiamentu.

De samenwerkingsovereenkomst, die in juli 2025 werd ondertekend door toenmalige gedeputeerde Nina den Heijer, wordt nu verder uitgewerkt. Door de recente wissel van gedeputeerden is de nadere invulling van de overeenkomst besproken tijdens een kennismakingsbijeenkomst op 6 november 2025 tussen minister Sithree van Heydoorn (Curaçao), minister Gerlien Croes (Aruba) en gedeputeerde Peter Silberie (Bonaire).

De overeenkomst, die geldt voor een periode van drie jaar, richt zich op gezamenlijke initiatieven voor onderwijs, leermiddelenontwikkeling, professionalisering van leerkrachten en taalpromotie. Een werkgroep met vertegenwoordigers van de drie eilanden zal een werkprogramma opstellen dat het praktische kader vormt voor gezamenlijke projecten en kennisuitwisseling.

De uitvoering hiervan zal plaatsvinden na bestuurlijke goedkeuring. Bonaire neemt hierbij het eerste voorzitterschap op zich.

Met deze samenwerking bevestigen Aruba, Bonaire en Curaçao hun gezamenlijke inzet voor het behoud, de ontwikkeling en de versterking van het Papiaments als verbindende taal binnen het Koninkrijk der Nederlanden.