SIMAN DI BUKI PA MUCHA BONEIRU 2025:’’ BÒSHI AVENTURA – VOL AVONTUUR’’

Kralendijk – For di 8 te ku 16 di novèmber Biblioteka Públiko Boneiru tin e selebrashon anual di Siman di Buki pa Mucha, ku e aña akí tin komo título ‘’Bòshi Aventura – Vol Avontuur.’’

Durante di e siman festivo akí tur kos ta drai rònt di imaginashon, deskubrimentu i plaser den lesamentu.

Nos ta invitá nos muchanan pa huntu ku e eskrítornan i artistanan ku ta bishitando tur nos skolnan durante e siman akí, hasi un biahe den e mundu di buki: Un mundu yen di koló, kultura i kreatividat.

Banda di esaki biblioteka ta organisá diferente aktividat edukativo pa nos muchanan i nan mayornan.

E ‘’Buki di regalo pa Siman di Buki pa Mucha’’ un biaha mas tabata na enkargo di Sharlon Willems

E aña akí tambe e eskritor Sharlon Willems a pèrkurá pa nos ‘’Buki di regalo pa Siman di Buki pa Mucha’’, ku ilustrashon di Gerulaine Booi. Su buki ta un refleho di amistat, kuriosidat i kurashi ku ta sobresalí for di loke ta komun. Eksaktamente loke e tema ‘’Bòshi Aventura’’ ta para p’é.

Biblioteka Bibu na Rincon

Un di e inovashonnan pa e aña akí ta e Biblioteka Bibu ku ta bai tuma lugá na Rincon. Biblioteka Públiko Boneiru ta organisá e evento pekuliar akí den kolaborashon ku e multitalentoso Rogen Pineda ku literalmente lo duna bida na vários storia. For di storianan popular tradishonal te na narativonan moderno. Bou di guia di Rogen, Rincon pa un solo dia lo ta e kurason ku ta bati den ‘’Siman di Buki pa Mucha’’.

Kansion di ‘’Siman di Buki pa Mucha’’ kantá pa Luis Moka

Músika tambe tin un partisipashon prominente e aña akí. E kompositor di kantika i alabes kantante Luis Moka a skirbi i kanta e kantika ofisial di ‘’Siman di Buki pa Mucha’, ku ta titulá’

‘’Bòshi Aventura’’. Ku su ritmo enérgiko, su refran impaktante i un mensahe positivo, Moka ta invitá tur mucha pa kanta, baila, lesa i ban un Aventura huntu.

Su músika ta duna bida na e tema di e siman akí. Esaki ta unu plasentero, e ta inkluí un i tur i tambe e ta yen di optimismo. Nos ta invitá tur nos muchanan pa dia 8 di novèmber bin ku nan ‘’Bèrdèki’’ pa bin festehá i kanta huntu ku Luis Moka.

Lesamentu ta uni i konektá, asina huntu nos ta krese meimei di e storianan

E siman di buki pa mucha ta pa pone énfasis riba importansia di lesamentu pa desaroyo di nos muchanan. Buki ta stimulashon di idioma, buki ta enrikesé nos mundu i buki ta kontribuí na empatia i konekshon kultural. Loke Biblioteka Públiko Boneiru ke logra e siman akí, ta pa kada mucha eksperensíá ku lesamentu no solamente ta edukativo, pero tambe plasentero, aventurero i ta desaroyá konfiansa propio.

Tur hende ta bon biní

Kariñosamente nos ta invitá tur mucha entre 4 pa 12 aña pa forma parti di e aktividatnan den ‘Siman di Buki pa Mucha’’.

Entrada ta kompletamente grátis pa nos skolnan, nos famianan i tur nos hóbennan aventurero aki na Boneiru.

Pa e programa kompletu i mas informashon :

• Bishitá biblioteka òf wak riba www.bibliotheekbonaire.com i riba nos página di Facebook.
• Tuma kontákto ku  jakeemahernandez@bonairegov.com

FUENTE: OLB/LIVE99FM

NEDERLANDS:

KINDERBOEKENWEEK BONAIRE 2025: “BÒSHI AVENTURA – VOL AVONTUUR”

Kralendijk – Van 8 tot en met 16 november viert Biblioteka Pùbliko Boneiru de jaarlijkse Kinderboekenweek, dit jaar onder het avontuurlijke thema “Bòshi Aventura – Vol Avontuur”.

Tijdens deze feestelijke week draait alles om verbeelding, ontdekking en leesplezier. Kinderen worden uitgenodigd om samen met schrijvers en artiesten — die alle scholen zullen bezoeken — op reis te gaan door de wereld van boeken: een wereld vol kleur, cultuur en creativiteit. Daarnaast organiseert de bibliotheek verschillende educatieve activiteiten voor kinderen én ouders.

Kinderboekenweekgeschenk opnieuw van Sharlon Willems

Ook dit jaar verzorgt schrijver Sharlon Willems het Kinderboekenweekgeschenk, met illustraties van Gerulaine Booi. Zijn boek is een ode aan vriendschap, nieuwsgierigheid en de moed om niet de bekende route te nemen — precies waar “Bòshi Aventura” voor staat.

Levende bibliotheek in Rincon

Een van de hoogtepunten van dit jaar is de Levende Bibliotheek in Rincon. Dit bijzondere evenement, georganiseerd door de bibliotheek in samenwerking met de multigetalenteerde Rogen Pineda, brengt verhalen letterlijk tot leven. Van traditionele volksverhalen tot moderne vertellingen: onder leiding van Rogen wordt Rincon voor één dag het kloppende hart van de Kinderboekenweek.

Kinderboekenweeklied door Luis Moka

Muziek speelt ook dit jaar een centrale rol. Zanger en songwriter Luis Moka schreef en zong het officiële Kinderboekenweeklied, getiteld “Bòshi Aventura”. Met zijn energieke ritme, pakkende refrein en positieve boodschap nodigt Moka kinderen uit om te zingen, te dansen, te lezen en samen op avontuur te gaan. Zijn lied brengt het thema van de week tot leven — vrolijk, inclusief en vol optimisme. We nodigen alle kinderen uit om op 8 november te komen met hun verrekijker en feestelijk met Moka mee te zingen.

Lezen verbindt – samen groeien door verhalen

De Kinderboekenweek benadrukt het belang van lezen voor de ontwikkeling van kinderen. Boeken stimuleren de taalvaardigheid, vergroten de wereld en dragen bij aan empathie en culturele verbondenheid. Biblioteka Pùbliko Boneiru wil met deze week elk kind op het eiland laten ervaren dat lezen niet alleen leerzaam is, maar ook plezier, avontuur en zelfvertrouwen brengt.

Iedereen is welkom

Alle kinderen tussen 4 en 12 jaar zijn van harte uitgenodigd om deel te nemen aan de activiteiten van de Kinderboekenweek.

De toegang is gratis voor scholen, gezinnen en alle jonge avonturiers van Bonaire.

Voor het volledige programma en meer informatie:

• Bezoek de bibliotheek of kijk op www.bibliotheekbonaire.com en op de Facebookpagina Biblioteka Pùbliko Boneiru
• Of neem contact op via e-mail: jakeemahernandez@bonairegov.com