DJÁRASON 29 DI ÒKTOBER HABITANTENAN KU DERECHO DI VOTO RIBA E TRES ENTIDATNAN PÚBLIKO POR BAI VOTA PA UN DI E PARTIDONAN NA HULANDA PA ELIGÍ MIEMBRONAN DI TWEEDE KAMER.

Kralendijk,- Mi ta rekomendá pa puntra promé ku vota kiko e partidonan konosí manera GlPvda, D’66, PVV, VVD, CDA i Volt a i ta nifiká pa Bonaire.

E partidonan aki semper a enfatisá e parti di struktura estatal ku awe tin bastante reklamo tantu riba nos polítikonan komo esnan di Hulanda. Mi ta aklará motivashon di mi voto. Mi ta vota pa Don Ceder number 3 riba lista 13 di Christen Unie.

Don su mama ta di Ghana, kaminda a hòrta e abitantenan pa bin traha na pais di su tata ku ta Sürnam. Mi tambe ta desendiente di katibunan di Ghana i pa tal motibu mi ta sinti ku mi historia ta mará na esun di Don i no na Geert Wilders, Frans Timmermans, Henry Bontebal, Rob Jetten, Laurens Dassen ni Yesilgöz. 

Ki dia nan a bini Bonaire i bishitá abitantenan di Lèntfel i atendé e problema di lèntfel . Don su amigunan íntimo ta bonerianonan  Randolph Cicilia i riba e lista tin Henco Cicilia i na Bonaire Nina den Heyer.

Don ku ta miembro di un partido ku 3 asiento den Tweede Kamer sèmper a sali na defensa di e hende di Bonaire tantu na Bonaire komo den parlamentu hulandes i ta e mihó parlamentario di aña 2025. Don ta boga pa Hulanda invertí den medidanan adishonal pa protekshon di abitantenan kontra peligernan di kambio di klima.

Ami ta vota pa e mihó parlamentario ku ta di CU. Bo voto pa un partido chikí ku sí ta pone nos problemanan riba agènda den Tweede Kamer tin mas balor ku un voto pa e partidonan grandi ku no ta solidario ku nos i ta mira ku Bonaire ta kosta sèn.   

FUENTE: ARTHUR SEALY