A MEHORÁ MARKASHON DI KAMINDA DEN SENTRO DI SIUDAT PA SIGURIDAT DI TRÁFIKO

Kralendijk -A renobá markashon di kaminda i markashon di e espasionan pa stashoná outo den sentro di siudat, konosí komo ‘centrumgebied’ na Playa, pa mehorá siguridat di tráfiko i pa krea un mihó bista pa usuarionan di kaminda. Resientemente e unidat di Trabou Públiko di Direktorado di Planifikashon i Desaroyo a finalisá e trabounan.

Den sentro di siudat na diferente sitio e markashon bieu a bira vago i no por a mira nan bon mas. Ku e markashon nobo e espasionan pa stashoná outo ta mihó delimitá i e fluho di trafikó ta keda salbaguardiá. A ehekutá e trabounan prinsipalmente den oranan di anochi i riba djadumingu den e kayanan drùk, pa limitá molèster pa tráfiko mas tantu posibel.

‘Markashon bon visibel di kaminda ta esensial pa siguridat di tráfiko. E mehorashon akí ta pèrkurá pa mas struktura i mihó bista den nos sentro di siudat,’ segun diputado Clark Abraham.

E intenshon ta pa den tur bario di Boneiru dediká atenshon èkstra na kalidat i mantenshon di e markashonnan i e mobilario di kaya.

Entidat Públiko Boneiru ta gradisí tur usuario di kaminda pa nan komprenshon durante ehekushon di e trabounan akí. 

FUENTE: OLB/LIVE99FM

NEDERLANDS:

WEGMARKERING IN CENTRUMGEBIED VERBETERD VOOR VERKEERSVEILIGHEID

Kralendijk -De wegmarkering en parkeervakken in het centrumgebied van Kralendijk zijn vernieuwd om de verkeersveiligheid te verbeteren en meer overzicht te creëren voor weggebruikers.

De werkzaamheden zijn recent afgerond door de unit Openbare Werken (OW) van de Directie Ruimte & Ontwikkeling (R&O).

In het centrum waren op verschillende locaties de oude markeringen vervaagd of onduidelijk geworden. Met de nieuwe belijning zijn parkeerplaatsen beter afgebakend en blijft de doorstroming van het verkeer gewaarborgd. De werkzaamheden werden voornamelijk uitgevoerd op de drukke wegen, vooral in de avonduren en op zondagen om overlast voor het verkeer zoveel mogelijk te beperken.

“Duidelijke wegmarkering is essentieel voor de verkeersveiligheid. Deze verbetering zorgt voor meer structuur en overzicht in het centrum,” aldus gedeputeerde Clark Abraham.

Het is de intentie om in alle wijken van Bonaire extra aandacht te besteden aan de kwaliteit en het onderhoud van de markeringen en het straatmeubilair.

Het OLB bedankt alle weggebruikers voor hun begrip tijdens de uitvoering van deze werkzaamheden.