134 KOREDÓ KAREDA REGATA 2025

Kralendijk—Djárason siman di Regata COMCABON a organisá su tradishonal kareda di pia, 41 aña di eksistensia di e organisashon di kareda di pia na Boneiru.

Kareda di Regata ta kresiendo konsiderablemente. Aña pasá tabatin 120 koredó, e aña aki tin un oumento atrobe.

COMCABON ta hopi kontentu ku e deportistanan, loke ta kontribuí na salú di e atleta. Deporte semper ta bon pa e kurpa di hende i korementu na pia ta un di e mihó moveshonnan pa e ser humano.

E kareda kuminsá na Stadion di Playa subi Kaya Internashonal pasa Playa Pariba Kaya grandi i drenta e último hanchi pa pasa na Malecon. Anne van Zelst tabata e promé dama ku a yega na Karels Beach Bar, ku un tempu di 18 minüt i 23 sekònde. E promé persona ku a yega Karels Beach Bar tabata un kabayero, Esteban Medina ku un tempu di 15 minüt i 05 sekònde.

Por mira bek riba un eksitoso kareda i COMCABON ta gradisí tur atleta ku a kompetí i ta spera nan e siguiente kareda. Aki e resultado kompletu.

FUENTE: FITTIPALDI PIETERSZ/LIVE99FM