NOS ISLA TA DRENTA UN AMBIENTE FESTIVO KU DEKORASHON PA DIA DI BONEIRU – LAGA NOS SELEBRÁ HUNTU KU RÈSPÈT

Kralendijk – Miéntras Dia di Boneiru ta aserkando, Entidat Públiko Boneiru a kuminsá dekorá nos isla komo preparashon pa e selebrashon tan importante akí.

Na diferente sitio a hisa bandera di Boneiru i pone otro dekorashon, inkluso riba e rotòndenan i den Kaya Grandi. Tur esaki pa engrandesé nos orguyo nashonal.

Lamentablemente nos mester konstatá ku a bai ku algun bandera i dekorashon sin outorisashon. Pa medio di esaki Entidat Públiko Boneiru ke enfatisá ku e dekorashonnan akí ta propiedat di Entidat Públiko Boneiru i ku kitamentu di dekorashon sin outorisashon no ta solamente un falta di rèspèt, pero e ta kastigabel tambe.

E komportashon akí ta mina e esfuerso konhunto pa dekorá nos isla na un manera digno.

E tema di e aña akí, ‘Nos ta Boneiru’, ta sentral den e dekorashonnan akí. E lema akí ta simbolisá konektividat, i apresio i orguyo pa nos isla.

Entidat Públiko Boneiru ta hasi un yamada riba tur hende pa huntu sòru pa un ambiente festivo i respetuoso. Gosa di e dekorashonnan, duna honor na nos bandera, i mustra rèspèt pa loke ta konektá nos komo boneriano.

Bo ta mira algu sospechoso òf bo ta ripará ku nan ta kita e dekorashonnan? E ora ei por fabor tuma kontakto ku nos via communicatie@bonairegov.com.

Masha danki pa bo koperashon. Laga nos selebrá Dia di Boneiru ku orguyo.

FUENTE: OLB/LIVE99FM

NEDERLANDS:

ONS EILAND KOMT IN FEESTELIJKE STEMMING MET DE VERSIERINGEN VOOR DIA DI BONEIRU – LATEN WE DIT SAMEN MET RESPECT VIEREN

Kralendijk – Terwijl ‘Dia di Boneiru’ nadert, is het Openbaar Lichaam Bonaire begonnen met versieringen aan te brengen op ons eiland, als voorbereiding voor deze zo belangrijke viering.

Op verschillende plekken is de vlag van Bonaire gehesen en zijn andere versieringen aangebracht, inclusief op de rotondes en in de Kaya Grandi.

Dit alles om onze nationale trots te vergroten.

Helaas hebben wij moeten constateren dat sommige vlaggen en decoraties zijn zonder toestemming weggenomen.

Het Openbaar Lichaam Bonaire hierbij benadrukken dat deze versieringen eigendom zijn van het Openbaar Lichaam Bonaire en dat het wegnemen ervan zonder toestemming niet alleen respectloos is, maar ook strafbaar. Dit gedrag ondermijnt de gezamenlijke inspanningen om ons eiland op waardige wijze te versieren.

Het thema van dit jaar, “Nos ta Boneiru”, staat centraal in deze versieringen. Deze slogan symboliseert verbondenheid, en waardering en trots voor ons eiland. Het Openbaar Lichaam Bonaire roept iedereen op om samen te zorgen voor een feestelijke en respectvolle sfeer.

Geniet van de versieringen, eer onze vlag, en toon respect voor wat ons als Bonairianen verbindt.

Ziet u iets verdachts of merkt u dat versieringen worden verwijderd?

Neem dan alstublieft contact met ons op via communicatie@bonairegov.com.

Dank voor uw medewerking, laten we Dia di Boneiru met trots vieren.