DOUANE CARIBISCH NEDERLAND A RISIBÍ MUCHANAN DI PROGRAMA DI ‘BUKI DI PRET’

Kralendijk,- Durante ‘Buki di Pret’, Douane Caribisch Nederland, ku hopi entusiasmo a duna tres presentashon interaktivo pa mucha entre 8 ku 12 aña. E muchanan a haña un bista úniko den e trabou di duana.

‘Buki di Pret’ ta un programa konosí i ku ta tuma lugá tur aña durante vakashon di skol, kaminda muchanan por partisipá den diferente aktividat plasentero.

E presentashon di duana tabata partí den un parti teorétiko i un parti práktiko. Diferente empleado di duana a konta tokante nan tarea i responsabilidatnan di tur dia, kaminda despues a sigui pa e parti di demonstrashon di ekipo i téknika ku nan ta usa den trabou.

E muchanan a reakshoná ku entusiasmo i a hasi pregunta skèrpi i interesá. Spesialmente e demonstrashonnan práktiko tabata interesante, kaminda e muchanan por a partisipá di forma aktivo.

Douane Caribisch Nederland ta mira bèk ku orguyo na e aktividat eksitoso aki. E tim a haña ku ta di balor pa inspirá e muchanan i hasi nan konsiente di e importansia di e trabou di duana den Hulanda Karibense.

FUENTE: RCN/LIVE99FM

NEDERLANDS:

DOUANE CARIBISCH NEDERLAND ONTVANGT KINDEREN VOOR HET PROGRAMMA ‘BUKI DI PRET’

Kralendijk,- Tijdens ‘Buki di Pret’ heeft Douane Caribisch Nederland met veel enthousiasme drie interactieve presentaties verzorgd voor kinderen van 8 tot en met 12 jaar. De kinderen kregen een unieke inkijk in het werk van de douane.

‘Buki di Pret’ is een bekend en jaarlijks terugkerend programma tijdens de schoolvakantie, waarbij kinderen allerlei leuke activiteiten kunnen doen.

De douanepresentaties waren opgedeeld in een theoretisch en een praktisch deel. Verschillende douanemedewerkers vertelden over hun dagelijkse taken en verantwoordelijkheden, waarna demonstraties volgden van de middelen en technieken die zij tijdens hun werk gebruiken.

De kinderen reageerden enthousiast en stelden scherpe, geïnteresseerde vragen. Vooral de praktijkdemonstraties waren interessant, waarbij de kinderen actief meededen.

Douane Caribisch Nederland kijkt met trots terug op deze geslaagde activiteit. Het team vond het bijzonder waardevol om kinderen te inspireren en bewust te maken van het belang van het douanewerk binnen Caribisch Nederland.