DUNA KUENTA I RASON TA FUNDESHI DI BON FUNSHONAMENTU DI NOS DEMOKRASIA.

Kralendijk,- Artikulo 171 di WOLBES ta preskribí ku Kolegio Ehekutivo i kada un di su miembronan separadamente ta duna kuenta i rason na eilandsraad pa e maneho ku nan a hiba. Kiko e artíkukulo aki ta nifiká den práktika.

1. Tur desishon di Kolegio Eheutivo ta kolegial, esta ku e mayoría di e Kolegio ta tumé. Na e momento ei ela bira un desishon kolegial ku tur tres diputado ta responsabel pe. Pues tur éksito di e Bestuurscollege ta di nan tur i no di un so. Pero tambe tur fallo di Bestuurscollege ta di nan tur i no di un so.
2. Banda ku e Kolegio tin ku duna kuenta i rason komo equipo, kada un di e diputadonan i tambe gezaghèber ta duna kuenta i rason kon nan a ehekutá ku nan direktorado ku e tareanan ku a duna nan pa hasi diariamente.

Pues si CFT konstatá ku no a gasta tur e fondonan presupuestá no ta un diputado so ta responsabel, pero henter e kolegio. Pues no ta diputado di finanzas tin ku bin duna kuenta i rason di loke a bai robes òf den e kaso aki no a usa tur fondo presupuestá den e tareanan ku respektivamente diputado Nina den Heyer, diputado Angelica Cicilia i gerzaghèber John Soliano. Diputado Abraham ta duna kuenta i rason di su tareanan ku e tin den e Kolegio.

I aki atrobe mester konstatá ku Konseho Insular no ta ehersé su ròl di kòntròl. Diputado di finanzas ta tene un diskurso pero Konseho Insular i via nan nos komunidat no ta skucha dikon e otro diputadonan no a usa nan fondonan presupuestá.

Es mas e frakshonnan ku ta sostené den nan mayoría e Kolegio ehekutivo tampoko ta pidi aklarashon riba esaki públikamente.

Awor ku a surgi un situashon interno ta bin splika pueblo ku koalishon ta di opinion ku dos diputado no a duna na komunidat loke a spera polítikamente di nan. E motibu prinsipal ta ku tur dos no a usa tur e fondonan presupuestá.

Ta papia di respektivamente 7 mion i 12 mion ku a keda drumí sin usa.

E dos diputadonan no ta den funshon mas, pues Konseho Insular no por yama nan pa duna kuenta i rason, pero si por pidi Gezaghèber bokalmente o por eskrito duna un aklarashon di esaki. I ora mi papia di Konseho Insular mi ta referí na kada un di e miembronan ku ta representá nos pueblo. Hasi boso trabou.

Mas profeshonal lo ta si e dos diptuadonan mes riba propio inisiativa i demonstrando rèspèt pa Konseho Insular komo e máksimo outoridat den representashon di pueblo, tene un konferensha di prensa i duna kuenta i rason di e situashon aki.

FUENTE: NORWIN WILLEM