PARKE LUNA KU SOLO OFISIALMENTE A KEDA HABRI DEN BARIO DI NIEUW AMSTERDAM.

Kralendijk, – Djarason tras di lomba a tuma luga apertura ofisial di Parke Luna Ku Solo ku ta situa net na entrada di e bario di Nieuw Amsterdam. Durante e apertura aki diputado Clark Abraham a hiba palabra kaminda su persona a gradisi tur partner pero espesialmente habitantenan ku a duna nan aporte i konosementu, pero e bario mes tambe mester yuda mantene i kuida e parke.

Sra. Denise Coffie di Fundashon Cas Boneriano ku a hiba palabra ku a bisa ku loke tabata un deseo a bira realidat i loke ku a keda realisa ta kue parke ta muchu mas ku un luga muchanan por hunga, e ta un luga tambe pa topa, uni i move. Sra.Frida Windster di VWS i a bisa ku dor di laga muchanan hunga bo por diskubri nan talentonan ku ta duna abo komo mayor un bista den ki direkshon bo yu ke bai i ta enkurasha mayornan pa bin sinta den parke i wak nan yunan difruta.

Finalmente tabata Sra. Miranda Verburg di Fundashon Jantji Beton ku a bisa ku e dia ta un dia importante kaminda ku nan ke mustra e forsa di hungamnete i ku aki na Boneiru tin hopi nesesidat di parke nan kaminda ku emuchanan por hunga i desaroya na mes.

FUENTE: LIVE99FM