Redakshon
Kralendijk,- Nos ta invitá tur hende interesá pa asistí na e anochi di informashon ku lo tuma luga Djarason, 25 di sèptèmber, pa tur e tres nivel nan ku Akademia di Transformashon ta ofrese.
E anochi aki lo duna klaridat riba e nivel basiko, avansá i nivel Queen, ku kada un di e kurso nan tin komo meta prinsipal traha riba desaroyo personal i outoestima di mucha muhénan Boneriano.
E anochi di informashon ta un oportunidad pa hende interesá haña mas detayenan riba e preparashon i benefisionan ku e muchanan por risíbi.
Akademia di Transformashon ta un espasio ku ta traha riba formashon integral, kaminda nos ke siña nos mucha muhénan pa konfia den nan mes i move den un manera balansiá den nos sosiedad. Den e Nivel Basiko: ta siña e muhénan mas :8 e prinsipionan di modelá i pasarela, mientras nan ta deskubrí nan talento i siña ekspresá nan mes ku konfiansa.
Esnan ku a kaba e nivel basiko lo por drenta den e Nivel Avansá:
ku ta ofresé formashon mas profundisá i preparashon pa desfilenan grandi i kompetensianan internashonal.
Nivel Queen: ta dediká na traha riba formashon di nos futura reina di beyesa, ku lo saka representantenan pa sertamennan di 2025.
E akademia ta duna atenshon spesial na outoestima i desaroyo personal, hopi mas ku solamente modelá, preparando e muchanan pa nan por ta siudadano ehemplar ku un konosementu amplio den diferente aria.
Nos meta ta desaroyá nos mucha muhénan pa nan ta prepará pa kada aspekto di bida, dor di un manera edukativo ku ta prepara nan pa konfronta retonan di un sertamen of fashion show internashonal.
Pa asistí na e anochi di informashon, bo por tuma kontakto ku nos na +599 787 6230.
No perde e oportunidad aki pa traha riba fundeshi di nos futuro reinanan di Boneiru!
FUENTE:AKADEMIA DI TRANDFORMASHON/LIVE99FM
GIPHY App Key not set. Please check settings