MARVIN ABDUL TA SALI DI 3 LUGA DEN ABCS CUP 2024

Kralendijk — Fin di siman tras di lomba tabata tin e torneo ABCS di 9-Ball ku a tuma luga na Aruba. Aki nan Boneiru a konta ku un total di 9 partisipante ku a bai pa representa.

En total tabata tin 41 hungador di diferente isla manera Aruba, Korsou, Boneiru i Sint Maarten.

Marvin a sa di bataya te den semi final i a logra sali di 3 luga, kedando kortiku den su partido di semi final kontra di Jorzinho Everon kual a titula kampion di e torneo aki.

Marvin Abdul a tumba diferente nomber grandi den e torneo aki i a sa di laga un stèmpel atras den ABCS e aña aki.

Tambe tin di menshona ku Gregory Frans tambe a logra yega den e ultimo 16 nan di e torneo aki.

Pabien na e tim kompletu di Boneiru ku a sa di duna bon bataya i representa nos isla dignamente.

Tur kos ta indika ku otro aña lo organisa e ABCS aki na Boneiru.

FUENTE:FEBIBO/LIVE99FM