MINISTER MIRJAM STERK A DESKONSEHÁ UN MOSHON PA KREA ÈKSTRA ESPASIO FINANSIERO DEN SEKTOR DI KUIDO PA E ISLANAN BONEIRU, SABA I STATIA.

H’EI TRAHADÓ, KONOSÉ BO DERECHO.

Kralendijk,- Esei ta nifiká ku e moshon no a bai Tweede Kamer pa debate. Hopi ta esnan ku ta puntra Kiko awor?

Mi ta kere ku ya kaba nos sindikato ruman di Statia ALL FOR ONE a sali pa medio di su presidente, Charles Woodley i bisa ku entrodukshon di 36 ora pa siman entrante 1 di yanuari 2027 ta pará manera un klabu stret riba mesa.

Nos tin entendí ku AFBW tambe a saka un komunikado awe den kua e ta poishoná su mes masha kla mes, esta sindikalismo lo usa tur akshonnan sindikal legalmente akseptabel den nos estado di derecho pa alkansá e meta di entrodukshon di 36 ora.

Rechaso di un moshon no ta un derota sino un estímulo pa fortifiká nos den e lucha hustifiká aki. Laga nos ta bon kla direkshon di politika na Den Haag.

Dunadónan di trabou tambe a papia ku un bos. Nan reakshon tabata Werkgevers en vakbonden onderschrijven daarbij gezamenlijk het uitgangspunt dat de invoering van een 36-urige werkweek noodzakelijk is om de continuïteit van de zorgverlening op Caribisch Nederland duurzaam te kunnen blijven organiseren en tegelijkertijd toe te werken naar gelijkwaardige arbeidsvoorwaarden voor medewerkers in Caribisch Nederland ten opzichte van Europees Nederland.

Pues e filanan ta kompletamente será i e promé intento di politika na Den Haag, esta pa dividí nos, a faya. E union di pensamentu i di akshon entre dunadó di trabou, trahadónan den kuido i komunidat di e tres islanan lo kibra tur barera di mala fe, estorbo i mas ku tur kos lo kibra DESKRIMINASHON I DESIGUALDAT entre Ulandesnan den Caribe i Ulandesnan den Oropa.

Pueblo Boneriano, Sabano i Statiano lo para huntu i para e desigualdat. Na final di e serminario di shòpstewardnan di tur e 26 kompanianan kaminda sindikalismo tin representashon e shòpstewardnan a tuma un resolushon ku un mensahe bon kla i ta bon pa kompartí e mensahe aki ku komunidat di e klase trahadó i su famia aki na Boneiru. E ta bisa den su desishon :Komo shòpstewardnan den otro sektornan na unda AFBW tin representashon públikamente kier duna sosten di solidaridat na nos koleganan den kuido.

Ta hasi un yamada na gobernashon di Entidat Públiko di Boneiru, konsistiendo di Kolegio Ehekutivo i Konseho Insular pa medio di un dekreto deklará ku 36 ora di trabou lo ta e norma di un siman di trabou kompleto. 

Di hasi un yamada na sektor empresarial pa duna koperashon I kontribuí konstruktivamente pa hasi posibel entrodukashon di 36 ora. Di hasi un petishon na outoridatnan di Ulanda, pero tambe organisashonnan manera Ombudsman, Kolegio Derecho Humano, Kordinador Nashonal kontra deskriminashon i Rasismo I tur sindikatonan kolega pa duna di nan parti pa realisá entrodukshon di 36 ora.

Di hasi un yamada na AFBW pa den negosashon pa CAO pone riba agènda, entrodukshon di 36 ora di trabou pa siman.

Di lo sostené tur akshon sindikal si ta nesesario, ku e meta pa pone e preshon hustifiká pa logra e meta. Pues AFBW pero sigur tur trahadó den kuido ta den estado di alerta i prepará pa mobilisá masalmente pa laga komprondé ku aki ta trata di un obligashon huridiko,  irrespekto koló polítiko ku gobièrnu mester realisá.

Akshonnan sindikal lo ta pa mantené tur hende lantá ku aki ta trata di algu fundamental. Pero alabes AFBW i trahadónan den kuido tin un kompromiso sagrado ku nos lo garantisá kontinuidat responsabel di kuido di tur nos pashèntnan. KUIDA NOS PA NOS POR SIGUI KUIDA NAN i ku amor lo ta e guia di e akshonnan.

I si komunidat ta pará solidario ku nos nos ta spera di nan ku den un bos nan ta manda e mensahe KUIDA NAN PA NAN POR SIGUI KUIDA NOS.

Ta bon pa tur hende komprondé ku deskonsehá un moshon no ta deskurashá nos, al kontrali e ta hasi nos mas fuerte. P’esei nos ánimo ta aun mas grandi ku :E deskonseho no ta punto final, pero e ta  prueba ku nos ta ganando tereno i ku nos lo sigui ku aun mas forsa. “E minister a defendé pasado, nos ta konstruí futuro.”

FUENTE: NORWIN NÒCHI WILLEM, KONSEHERO USIBO