E KOALISHON KU TIN TRES LUNA SINTÁ A BIRA UN “KNOEIPOT”

Kralendijk, – UPB ta disgustá den MPB  i no ke sigui ku MPB. Den e tiki tempu aki e koalishon a konosé dos diputado di MPB i e tèrkedat di tantu UPB komo MPB ta ku tur dos ke tin di bisa den R&O, UPB no ke OVO i MPB no ke nada di salario “marktconform” Ta bon pa nos tin un diskushon sano kiko ta e diferensia entre OVO i marktconform.i kua te benfisioso pa pueblo den ehekushon di proyektonan di gobièrnu. Te awor e diskushon ta manchá ku fanatismo pa motibu ku ta tira tur falta riba tantu UPB komo MPB.

Pa medio di un konferensia di prensa UPB a duna pueblo di konosé ku e problema ta importante pa pueblo sa ku e kos aki ya tin algun siman ta andando. UPB no tabata kontentu ku diputado Statia pa motibu ku no tabatin komunikashon. Di parti di diputado Statia e punto ta ku no tin konfiansa den “vakgedeputeerde”.Tokante komunikashon ta ilustrativo ku diputado Martinus apuntá pa MPB a ekspresá su opinion fuerte i diferente i ta bisa ku esaki porta pa falta di konteksto di su banda. Ken lo mester a pèrkurá pa diputado Martinus  mas konteksto. Na mi konsepto ta su lidernan di MPB. Señor Martinus tin ku komprondé ku polítika no ta nèchi i e tin e obligashon pa reklamá su partido ku a priv’é di konteksto.

Otro punto di komunikashon ta e asuntu di instellingsbesluit Commissie Ruimtelijke Ontwikkeling en Grondzaken Bonaire (CROG). Ken a formulá e ayudo aki pa R&O? Ku ken a konsultá i diskutí e idea aki? Ken lo bira e persona importante den e komishon aki? Ken e lo benefisiá? Pueblo òf e tres ekspertonan? Ki ta e diferensia entre Ofisina di Ehekushon di Proyekto di R&O ku a abri su porta riba 16 di yüni 2022. Kiko a bira di e ofisina aki.

FUENTE: ARTHUR SEALY/LIVE99FM