BONAIRU PARTISIPANDO DEN KAMPIONATO PANAMERIKANO AYA NA PANAMA

Panama city,- Djaluna 1 di yüni e Kampionato Panamerikano a ranka sali ku e kategoria dama- i hubenil parti mainta ku e modalidad di bola 8. Despues di mèrdia e kabayeronan a start. Un total di 96 wega a tuma lugá terminando alrededor di 9 or di anochi.

Resultado di e prome dia:

Janiro Chatlein a klasifiká pa e ròndu di eliminashon i ya ta den e ultimo 64 ku e promé dos weganan ganá di Jorge Petrocchi (Aruba), 6-3 i Hernan Acevedo (Argentina) 6-4;

Marnix Abdul a gana su promé wega pa default kontra Carlos Castro (Nicaragua) i perdiendo e di dos wega kontra Jesus Croveto (Peru) 6-2, a pasa pa e buelta di pèrdedó;

Garino Molina a pasa pa e buelta di perdedó despues di a pèrde su promé wega kontra Joel Rodriguez (Panama) 6-3;

Marvin Abdul a pasa pa e buelta di pèrdedó despues di pèrdè di Emigdio Velasquez (Venezuela) 6-2;

Gernaylis Zimmerman a pèrdè su promé wega kontra e aktual kampion Mirjana Grujicic (Venezuela) 5-0 i a gana su di dos wega kontra Leydi Castillero (Panama) 5-1 loke ta pone ku e ta sigui pa e buelta di pèrdedó den e klase di dama.

Awe e promé weganan ta ranka sali for di 9 or di mainta.

FUENTE: FEBIBO/LIVE99FM