ENTIDAT PÚBLIKO BONEIRU TA HONRA E KAMPIONNAN DI BONAIRE-A

Kralendijk –Siman pasá Entidat Públiko Boneiru a organisá un brùnch na honor di e tim hubenil di beisbòl Bonaire-A, ku a logra un viktoria durante e 2026 PONY Caribbean Mustang 10U Zone Tournament.

E tim a marka historia pa medio di gana 2-1 kontra Venezuela, i ku esaki nan a establesé un tremendo prestashon pa Boneiru. E viktoria akí ta un fuente di orguyo pa henter nos isla i e ta mustra e talento, e disiplina i e dedikashon di nos deportistanan.

Durante e enkuentro e diputadonan Jennifer Mohamedjoenoes, Joselito Statia i Timoteo Silberie tabata presente pa personalmente felisitá e hungadónan i nan coachnan. Komo muestra di apresio, tur miembro di tim i tur coach a risibí un feneta den forma di bandera di Boneiru, komo rekonosementu pa nan trabou duru, nan perseveransia i nos ekselente representashon di Boneiru na nivel internashonal.

Entidat Públiko Boneiru ta ekspresá su orguyo tokante e prestashon akí i ta deseá e tim hopi éksito ku nan kompetensianan den futuro.

Boneiru ta orguyoso di boso.  

FUENTE: OLB/LIVE99FM

NEDERLAND:

OPENBAAR LICHAAM BONAIRE EERT KAMPIOENEN VAN BONAIRE-A

Kralendijk –Het Openbaar Lichaam Bonaire heeft vorige week een brunch georganiseerd ter ere van het jeugdige honkbalteam Bonaire-A, dat een indrukwekkende overwinning behaalde tijdens het 2026 PONY Caribbean Mustang 10U Zone Tournament.

Het team schreef geschiedenis door Venezuela met 2-1 te verslaan en daarmee een prachtige prestatie neer te zetten voor Bonaire. Deze overwinning is een bron van trots voor het hele eiland en onderstreept het talent, de discipline en de toewijding van onze sporters.

Tijdens de bijeenkomst waren de gedeputeerden Statia, Serberie, en Mohamedjoenoes aanwezig om de spelers en coaches persoonlijk te feliciteren. Als blijk van waardering ontvingen alle teamleden en coaches een Bonaire-vlagpin, als erkenning voor hun harde werk, doorzettingsvermogen en uitstekende vertegenwoordiging van Bonaire op internationaal niveau.

Het Openbaar Lichaam Bonaire spreekt zijn trots uit over deze bijzondere prestatie en wenst het team veel succes bij toekomstige wedstrijden.

Bonaire is trots op jullie.