ENTIDAT PÚBLIKO BONEIRU TA FELISITÁ NOS HENDE GRANDINAN RIBA NAN DIA

Kralendijk – Entidat Públiko Boneiru (OLB) ta pone atenshon na Dia Internashonal di Hende Grandi. Riba 2 di òktober, OLB ta selebrá e dia akí i ta para ketu na e kontribushon importante ku nos hende grandinan a duna i ta sigui duna na nos komunidat.

Diputado di Direktorado di Komunidat i Kuido, Timoteo Silberie, ta dirigí un mensahe na tur hende grandi na Boneiru:

“Mi ta konsiderá esaki un responsabilidat importante: traha pa un Boneiru kaminda kada persona por alkansá un edat haltu ku rèspèt i ku e sosten ku e tin mester. Boso a yuda forma e Boneiru ku nos konosé awe. Boso a traha, kuida famia i kompartí boso konosementu ku e generashonnan nobo.

Mi ta invitá henter komunidat pa sigui duna atenshon na nos hende grandinan durante henter aña, no solamente riba e dia akí. Un bishita, un yamada, un kombersashon òf simplemente tuma tempu pa skucha nan por tin hopi balor.” diputado Silberie ta bisa.

Entidat Públiko Boneiru ta deseá tur hende grandi un felis Dia Internashonal di Hende Grandi i ta gradisí nan pa tur loke nan a kontribuí i ta sigui kontribuí na Boneiru.

FUENTE: OLB/LIVE99FM

NEDERLAND:

OPENBAAR LICHAAM BONAIRE FELICITEERT OUDEREN OP OUDERENDAG

Kralendijk – Het Openbaar Lichaam Bonaire (OLB) staat op 2 oktober stil bij Ouderendag. Op deze dag is er aandacht voor de belangrijke bijdrage die ouderen hebben geleverd en nog altijd leveren aan de Bonairiaanse samenleving.

Gedeputeerde van Directie Samenleving en Zorg, Timoteo Silberie, richt zich met een boodschap tot alle ouderen op Bonaire:

“Ik zie het als een belangrijke verantwoordelijkheid om te werken aan een Bonaire waar iedereen met respect ouder kan worden en de ondersteuning kan krijgen die nodig is. Jullie hebben bijgedragen aan het Bonaire zoals we dat vandaag kennen. Jullie hebben gewerkt, voor families gezorgd en jullie kennis en ervaring doorgegeven aan nieuwe generaties.

Ik roep de hele gemeenschap op om niet alleen op deze dag, maar het hele jaar door aandacht te blijven hebben voor onze ouderen. Een bezoek, een telefoontje, een gesprek of simpelweg de tijd nemen om te luisteren kan veel betekenen.” aldus gedeputeerde Silberie.

Het Openbaar Lichaam Bonaire wenst alle ouderen een fijne Ouderendag en bedankt hen voor alles wat zij voor Bonaire hebben betekend en nog steeds betekenen.