DIREKTORADO DI PLANIFIKASHON I DESAROYO A BUSKA INPUT PA AKTUALISASHON DI REGLANAN DI KONSTRUKSHON

Kralendijk –Direktorado di Planifikashon i Desaroyo riba djaweps 1 di òktober a tene un reunion ku arkitektonan, diseñadónan di konstrukshon i otro profeshonalnan tokante e reglanan di konstrukshon na Boneiru. Direktorado di Planifikashon i Desaroyo ta trahando riba aktualisashon di e reglanan akí i kier a tende kua ta e preguntanan i puntonan problemátiko ku profeshonalnan ta topa kuné den práktika.

Durante un seshon di informashon anterior e partisipantenan a indiká ku nan tin nesesidat di mas klaridat tokante e reglanan di konstrukshon. Pa e motibu akí Direktorado di Planifikashon i Desaroyo a organisá un reunion apart tokante e tópiko akí. E partisipantenan por a hasi pregunta, deliberá tokante ehèmpelnan for di nan trabou i indiká kua ta e reglanan ku segun nan tin mester di klarifikashon òf adaptashon. Direktorado di Planifikashon i Desaroyo ta inkluí e preguntanan i puntonan di atenshon ku nan a akumulá den e aktualisashon mas aleu di e reglanan di konstrukshon. E direktorado ta wak tambe kon nan por ofresé informashon tokante konstrukshon i pèrmit na un manera mas klarito. Tokante esaki Direktorado di Planifikashon i Desaroyo ta keda den kòmbersashon ku e profeshonalnan for di e sektor.

FUENTE: OLB/LIVE99FM

NEDERLAND:

DIRECTIE RUIMTE EN ONTWIKKELING HAALT INPUT OP VOOR ACTUALISATIE BOUWREGELS

Kralendijk – De directie Ruimte en Ontwikkeling (R&O) heeft op donderdag 1 oktober een bijeenkomst gehouden met architecten, bouwtekenaars en andere professionals over de bouwregels op Bonaire. R&O werkt aan een actualisatie van deze regels en wilde horen welke vragen en knelpunten professionals in de praktijk tegenkomen.

Tijdens een eerdere informatiesessie gaven deelnemers aan behoefte te hebben aan meer duidelijkheid over de bouwregels. Daarom organiseerde R&O een aparte bijeenkomst over dit onderwerp. Deelnemers konden vragen stellen, voorbeelden uit hun werk bespreken en aangeven welke regels volgens hen verduidelijking of aanpassing nodig hebben.

R&O neemt de opgehaalde vragen en aandachtspunten mee bij de verdere actualisatie van de bouwregels. Ook bekijkt de directie hoe zij informatie over bouwen en vergunningen duidelijker kan aanbieden. R&O blijft hierover in gesprek met professionals uit het werkveld.