POR BUSKA KARCHI DI BÙS PA TRANSPORTE ESKOLAR

Kralendijk – Entidat Públiko Boneiru (EPB) ta informá mayornan i kuidadónan ku por buska karchi di bùs pa transporte eskolar pa aña eskolar 2026–2027 na Direktorado Komunidat i Kuido.

Esaki ta konta pa mayornan i kuidadónan ku a entregá e formulario di inskripshon pa transporte eskolar i a paga e kontribushon di mayor.

Momentunan pa buska e karchi

Por buska e karchinan di bùs na e siguiente momentunan:

· Djaluna te ku djabièrnè: 08.00 – 17.00

· Djasabra 15 di ougùstùs 2026: 08.00 – 11.30

EPB ta ofresé djasabra 15 di ougùstùs un momentu èkstra pa buska karchi, asina tambe mayornan i kuidadónan por buska e karchi di bùs pa nan yu(nan) pafó di dianan normal di trabou.

Lugá

EPB ta pidi mayornan i kuidadónan pa buska e karchi di bùs na tempu na Direktorado Komunidat i Kuido na Kaya Neerlandia 41. Tambe EPB ta gradisí nan pa nan kooperashon ku un bon preparashon di e transporte eskolar pa nan yu(nan).

Pa pregunta tokante transporte eskolar, mayornan i kuidadónan por tuma kontakto ku Direktorado Komunidat i Kuido na +599 715 5330.

FUENTE: OLB/LIVE99FM

NEDERLAND:

BUSKAARTEN VOOR SCHOOLTRANSPORT KUNNEN WORDEN OPGEHAALD

Kralendijk – Het Openbaar Lichaam Bonaire (OLB) informeert ouders en verzorgers dat de buskaarten voor het schooltransport voor het schooljaar 2026–2027 kunnen worden opgehaald bij de Directie Samenleving en Zorg.

Dit geldt voor ouders en verzorgers die het inschrijfformulier voor schooltransport hebben ingeleverd en de ouderbijdrage hebben betaald.

Ophaalmomenten

De buskaarten kunnen worden opgehaald op de volgende momenten:

· Maandag tot en met vrijdag: 08.00 – 17.00 uur

· Zaterdag 15 augustus 2026: 08.00 – 11.30 uur

Het OLB biedt op zaterdag 15 augustus een extra ophaalmoment aan, zodat ouders en verzorgers ook buiten de reguliere werkdagen de buskaart van hun kind(eren) kunnen ophalen.

Locatie

Het OLB vraagt ouders en verzorgers om de buskaart op tijd op te halen bij de Directie Samenleving en Zorg te Kaya Neerlandia 41. Daarnaast bedankt het OLB hen voor hun medewerking aan een goede voorbereiding van het schooltransport voor hun kind(eren).

Voor vragen over het schooltransport kunnen ouders en verzorgers contact opnemen met de Directie Samenleving en Zorg via +599 715 5330.