NAPA BONAIRE TA DUNA BEK MAS KU $19.000 NA KOMUNIDAT DURANTE SELEBRASHON DI 40 ANIVERSARIO

Kralendijk, – Durante e fiesta di 40 aña di aniversario di NAPA Boneiru, dia 1 di ougùstùs 2026, Managing Director, Sr. Andre Lendering, a probechá di e oportunidat pa kambia enfoke for di e logronan di e kompania pa duna bèk na komunidat. E anochi a destaká e kompania su kuater dékada di servisio na pueblo di Boneiru den tur manera posibel.

Sr. Lendering a kuminsá dor di destaká e kontribushon kontinuo di e kompania di piesa i servisio komplementario na Fundashon Kuido Persona Disabilta (balorá na $3,200). Sr. Lendering a hasi ku e kompromiso lo sigui den e añanan ku ta bin.Despues el a sigui dor di hasi un kompromiso kompletu ku Shaedra Baromeo, kende ta traha ku muchanan di menos rekurso den e komunidat, pa kubri tur gastu di kuminda i bebida na banda di su tempu i rekursonan pa e biahe anual di e grupo pa Washington Slaagbaai (balorá na $3,000). E biahe aki ta permití e muchanan disfrutá di un wikènt yen di dibertishon i sin preokupashon.

NAPA su sosten pa komunidat no ta stòp einan. Despues Sr. Lendering a regala $2000 na kada un Fundashon Alzheimers Bonaire I Kas Flamboyan pa nan husa unda ku nan haña ta bon. E ultimo organisashon di e anochi, Ambulance di Deseo, a haña kombustibel gratis pa nan ambulance pa un aña kompleto (ku un maximo di $1.200

“Mi ta para pa e echo ku un kompania ku ta hasi negoshi na Boneiru i ta genera sen riba e isla, mester buska un manera pa invertí bèk den e komunidat ku e ta sirbi. Ami personalmente ta skohe pa invertí bèk den e hendenan ku mi sa ku no por hasié pa nan mes, I ta depende di organisashonnan pa yuda nan. Esei ta e motibu ku mi a skohe pa duna e organisashonnan manera Fundashon Alzheimer Boneiru, Kas Flamboyan, Ambulance Deseo, I e vishon di Shaedra di yuda e muchanan ménos rekurso den komunidat,” asina Andre Lendering,

Direktor Gerente di NAPA Boneiru a bisa. E dunamentu no a kaba na final di e diskurso.

Sr. Lendering a terminá dor di enkurashá invitadonan interesá ku kier a hiba kas kualke outo di hunga di NAPA pa duna un montante ku nan ta konsiderá apto. E entradanan di e benta tambe ta wòrdu duná bèk na komunidat. E akto chikitu di bondat di e invitadonan a generá un kantidat di $3,072. E sèn ei lo wòrdu repartí entre vários di e organisashonnan menshoná ariba. Banda di esaki Ambulance di Deseo lo risibi un sèt di kuater tire nobo y un kambio di zeta, kompletamenta gratis. E siguiente dia, representantenan di NAPA Miami Distribution Center, Gearwrench, Valspar Paints i Topdon a anunsiá ku nan lo match e donashonnan hasí pa Sr. Lendering, dunando un donashon adishonal di $5,200.

E donashon kompleto ku ta wòrdu distribuí na henter pa e komunidat a suma $19,672. Un biaha mas danki na un I tur ku a kontribuí ku nos.