LANSAMENTU EKSITOSO DI E BUKI E ISLA DI LIONEL DI DELNO L. A. TROMP

Kralendijk,- Djadumingu, 31 di mei, a tuma lugá e lansamentu ofisial di E Isla di Lionel, e buki nobo di outor Delno L. A. Tromp, na Biblioteka Públiko Boneiru. E evento a reuní lektornan, amante di literatura, famia, amigunan i miembronan di komunidat pa un atardi inspirativo den kua literatura, kultura i diálogo tabata sentral.

Parti di e programa tabata un kòmbersashon ku Delno Tromp, den kua el a papia tokante e proseso di skirbi e buki, su inspirashon i e mensahenan ku e obra ta karga. E públiko tambe a haña oportunidat pa hasi pregunta durante un sekshon interaktivo.

Durante e atardi, a lesa fragmentonan di e buki i tambe a presentá reseña di diferente profeshonal riba tereno di skirbi i produsí buki, I tambe representantenan di bibliotekanan nashonal. Esaki a duna e públiko un promé bista riba e novela aki.

Ademas, Caroline Celestijn, Sharlon Willems i Cristely Cranston; personanan ku Delno ta guia den nan mes proseso di skirbi i publiká; a deklamá diferente poesia. Tabata tin presentashon di hóben músikonan den seku, lokual a duna e programa un toke variá i ameno. Na final di e programa Delno a otorgá 3 buki na Michelle den Heyer, Judy Diaz I Elvis Tjin Asjoe ( na nòmber di su ruman Mary Tjin Asjoe q.e.p.d) kual ta personanan ku di un forma òf otro a aportá na kontenido òf sosten den e proseso di e publikashon aki.

Ku E Isla di Lionel, Delno L. A. Tromp ta kontribuí na desaroyo di literatura lokal i ta pone énfasis riba e balor di konta nos mes historianan. Di e forma aki, e ke inspirá e siguiente generashonnan pa skirbi i publiká, pa asina nos Papiamentu por bira mas riku na publikashonnan.

E buki E Isla di Lionel lo ta optenibel na Bruna, Del Mar I na terramar pa tur persona ku ta deseá.

FUENTE: XENAH CICILIA/LIVE99FM

NEDERLAND:

SUCCESVOLLE BOEKLANCERING VAN HET EILAND VAN LIONEL VAN DELNO L. A. TROMP.

Kralendijk,- Op zondag 31 mei vond in de Openbare Bibliotheek Bonaire de officiële lancering plaats van Het eiland van Lionel, het nieuwe boek van auteur Delno L. A. Tromp. Het evenement bracht lezers, literatuurliefhebbers, familie, vrienden en leden van de gemeenschap samen voor een inspirerende middag waarin literatuur, cultuur en dialoog centraal stonden.

Deel van het programma was een gesprek met Delno Tromp, waarin hij sprak over het schrijfproces van het boek, zijn inspiratie en de boodschappen die het werk uitdraagt. Het publiek kreeg ook de gelegenheid om vragen te stellen tijdens een interactieve sessie.

Gedurende de middag werden er fragmenten uit het boek voorgelezen en werden er recensies gepresenteerd door verschillende professionals op het gebied van schrijven en boekproductie, evenals door vertegenwoordigers van nationale bibliotheken. Dit gaf het publiek een eerste blik op deze novella.

Daarnaast droegen Caroline Celestijn, Sharlon Willems en Cristely Cranston; personen die Delno zelf begeleidt in hun eigen schrijf- en publicatieproces; verschillende gedichten voor. Er waren opeenvolgende optredens van jonge muzikanten, wat het programma een gevarieerd en aangenaam tintje gaf. Aan het einde van het programma overhandigde Delno 3 boeken; aan Michelle den Heyer, aan Judy Diaz en aan Elvis Tjin Asjoe (namens zijn zus Mary Tjin Asjoe q.e.p.d.), zijnde personen die op de een of andere manier hebben bijgedragen aan de inhoud of steun hebben geboden aan dit publicatieproces.

Met Het eiland van Lionel draagt Delno L. A. Tromp bij aan de ontwikkeling van de lokale literatuur en legt hij de nadruk op de waarde van het vertellen van onze eigen verhalen. Op deze manier wil hij de volgende generaties inspireren om te schrijven en te publiceren, zodat ons Papiaments nog rijker kan worden door publicaties.