SENTRO AKSESO TA WAK BÈK RIBA UN SIMAN EKSITOSO DI “WAK BO SÈN” KU NOS HÓBENNAN.

Kralendijk – Den e periodo di 23 te ku 27 di mart, Sentro Akseso, den kolaborashon ku Crystal Innovations, a organisá un siman di tayer edukativo den diferente bario na Boneiru, ku meta di fortalecé konosementu finansiero bou di hóbennan.

Punto di salida di e inisiativa aki ta basa riba e prinsipio ku un hóben bon prepará ta mas apto pa hasi eskoho konsiente i responsabel den futuro.

Esaki no ta limitá su mes na un solo area, sino ta tokante tur aspektonan di bida. Ku mas konosementu korekto, nos ta ekipá nos hóbennan mehor, loke ta kontribuí na ménos preokupashon den futuro.

Durante e tayernan, partisipantenan—ku edat mayoritariamente entre 10 i 17 aña—a haña mas konsientisashon tokante maneho di sèn.

Den un ambiente práktiko i dinámiko, e hóbennan a interkambiá ideanan riba diferente tópiko relevante, manera priorisashon ora di hasi gastu i e proseso di tuma desishon a base di posibilidade finansiero.

Un punto importante ku a sali na kla ta kon deseo personal por influenshá desishonnan.

Den e kuadro aki, a pone enfasis riba diferensia entre loke un hende ke i loke e mester, manera un base importante pa maneho finansiero responsabel.

Na total, 77 hóbennan a partisipá den e workshopnan, loke ta indiká klaramente ku tin un interes grandi pa haña mas konosementu riba e tema di maneho di sèn.

Fundashon Sentro Akseso ta ekspresá su sincero gradisimentu na tur mayor i responsable ku a stimulá i motivá nan yunan pa partisipá na e tayernan.

Pa keda na altura di e diferente aktividatnan i inisiativanan, publik ta wòrdu invitá pa sigui e kanalanan oficial di Sentro Akseso.

FUENTE: SENTRO AKSESO/LIVE99FM

NEDERLANDS:

SENTRO AKSESO KIJKT TERUG OP EEN SUCCESVOLLE WEEK VAN “LET OP JE GELD” MET ONZE JONGEREN.

Kralendijk – In de periode van 23 tot en met 27 maart heeft Sentro Akseso, in samenwerking met Crystal Innovations, een week van educatieve workshops georganiseerd in verschillende wijken op Bonaire, met als doel de financiële kennis onder jongeren te versterken.

Het uitgangspunt van dit initiatief is gebaseerd op het principe dat een goed voorbereide jongere beter in staat is om in de toekomst bewuste en verantwoordelijke keuzes te maken.

Dit beperkt zich niet tot één enkel gebied, maar heeft betrekking op alle aspecten van het leven. Met meer correcte kennis worden jongeren beter uitgerust, wat bijdraagt aan minder zorgen in de toekomst.

Tijdens de workshops kregen de deelnemers, met een leeftijd voornamelijk tussen de 10 en 17 jaar meer bewustwording over het omgaan met geld.

In een praktische en dynamische omgeving wisselden de jongeren ideeën uit over verschillende relevante onderwerpen, zoals het stellen van prioriteiten bij uitgaven en het nemen van beslissingen op basis van financiële mogelijkheden.

Een belangrijk punt dat naar voren kwam, is hoe persoonlijke wensen beslissingen kunnen beïnvloeden. In dit kader werd de nadruk gelegd op het verschil tussen wat iemand wil en wat iemand nodig heeft, als een belangrijke basis voor verantwoord financieel beheer.

In totaal namen 77 jongeren deel aan de workshops, wat duidelijk aangeeft dat er een grote interesse bestaat om meer kennis op te doen over het beheren van geld.