M21 TA FELISITÁ TUR HENDE MUHÉ RIBA DIA INTERNASHONAL DI HÉNDE MUHÉ

Kralendijk, Den un komunikado sr Carlos López Natera, na nòmber di Movementu 21 (M21) ta felisitá tur hende muhé riba nan dia. Sr López Natera: “Kordialmente nos ta ekspresá nos mas sinsero felisitashon na tur hende muhé riba nan dia, spesialmente na tur hende muhé di Boneiru.

E muhénan boneriano ta forma un pilar fundamental di nos komunidat. Ku nan trabou, nan sabiduria, nan amor pa famia i nan kompromiso ku nos komunidat, nan ta kontribuí tur dia na edifikashon di un Boneiru mas fuerte, mas hustu i mas solidario.

Na kas, na trabou, den negoshi, den edukashon i den liderazgo, nos hende muhénan ta mustra klaramente ku sin nan, no por tin progreso real pa nos isla.”

Lucha pa mas partisipashon di hende muhé

Kontinuando sr Carlos López Natera ta trese dilanti ku nos mester rekonosé tambe ku ainda tin desafionan real: “Na e momentunan akí hopi hende muhé ta enfrentá desigualdat den oportunidat, den posishon di liderazgo i den partisipashon na momentu di tuma desishonnan importante pa nos komunidat. Un komunidat moderno i hustu no por permití ku talento, inteligensia i kapasidat di nos hende muhénan ta keda limitá. Pa M21, e lucha pa mas rèspèt, mas oportunidat i mas representashon pa nos hende muhénan no ta solamente un asuntu simbóliko di un solo dia, sino un prioridat sosial i polítiko. Nos ta kere firmemente ku Boneiru mester garantisá espasio real pa partisipashon di hende muhé.”

Boneiru mester di hende muhé pa progresá

López Natera ta konkluí ku e siguiente mensahe: “For di M21 nos ta ekspresá nos profundo agradesimentu pa tur loke nos hende muhénan ta hasi pa nos komunidat, i nos ta reafirmá nos kompromiso di trabou pa un komunidat kaminda igualdat di oportunidat ta un realidat, i no solamente un aspirashon. Riba Dia Internashonal di Hende Muhé, nos ta manda un mensahe kla: Boneiru tin mester di e forsa, e vishon i liderazgo di su hende muhénan pa por sigui progresá. Felis Dia Internashonal di Hende Muhé!”

FUENTE: M21/LIVE99FM

NEDERLANDS:

M21 FELICITEERT ALLE VROUWEN OP INTERNATIONALE VROUWENDAG

Kralendijk, In een persbericht feliciteert Carlos López Natera namens Movementu 21 (M21) alle vrouwen op de Internationale Vrouwendag.

López Natera: “Van harte feliciteren wij alle vrouwen met hun dag, in het bijzonder alle vrouwen van Bonaire. De Bonaireaanse vrouwen vormen een fundamentele pijler van onze samenleving. Met hun werk, hun wijsheid, hun liefde voor het gezin en hun betrokkenheid bij onze samenleving dragen zij dagelijks bij aan de opbouw van een sterker, eerlijker en rechtvaardiger Bonaire. Thuis, op het werk, in het bedrijfsleven, in het onderwijs en bij het leiding geven laten onze vrouwen duidelijk zien dat zonder hen geen echte vooruitgang mogelijk is voor ons eiland.”

Strijd voor meer vrouwenparticipatie

Vervolgens brengt Carlos López Natera naar voren dat wij ook moeten erkennen dat er nog steeds reële uitdagingen zijn: “Op dit moment worden veel vrouwen geconfronteerd met ongelijkheid van kansen, ongelijkheid in leiderschapsposities en ongelijke participatie bij het nemen van belangrijke beslissingen voor onze samenleving. Voor M21 is de strijd voor meer respect, meer kansen en meer vertegenwoordiging voor onze vrouwen niet zomaar een symbolische kwestie van één dag, maar een sociale en politieke prioriteit. Wij zijn er vast van overtuigd dat Bonaire echte ruimte moet garanderen voor vrouwenparticipatie.”

Bonaire heeft vrouwen nodig voor vooruitgang

López Natera sluit af met de volgende boodschap: “Vanuit M21 spreken we onze diepe dankbaarheid uit voor alles wat onze vrouwen voor onze samenleving doen, en we herbevestigen onze inzet om te werken aan een samenleving waar gelijke kansen een realiteit zijn, en niet slechts een streven. Op de Internationale Vrouwendag doen wij een duidelijke boodschap uitgaan: Bonaire heeft de kracht, de visie en het leiderschap van haar vrouwen nodig om vooruit te kunnen blijven gaan. Fijne Internationale Vrouwendag!”