DIA 1 DI OUGÙSTÙS TERA KÒRÁ TA DI FIESTA I TA NA SU LUGÁ KU GEZAGHÈBER, DIPUTADO  E MIEMBRO DI KONSEHO INSULAR DI TERA KÒRÁ BIN SENDE LUS NA KAS.

Kralendijk,- Ta hopi trabou tin, kosecha ta grandi i mester forsa di brasa. 175 aña ta importante pa mira kon e sitio ku e nòmber Mundu Nobo a progresá.

E pregunta ta; ki impakto e trasladá obligatorio di un grupo di hende liber di un sitio pa otro tin riba e famianan. Den mes periodo a trasladá katibu di Rincon pa Antriol pa traha den Guatimala, Amboina i Den Tera. Nikiboko a keda meimei di Antriol i Tera Kòrá. Base di e tres barionan a bira agrikultura, peskeria i nabegashon.

E barionan aki a engrandesé e kultura di Bonaire mas ku e otro barionan. Lasonan familiar nos ta topa den e barionan aki ku un kinipí di wowo ku Rincon.

Un pregunta kuantu bario a konosé steelband na Bonaire i kua bario ainda tin steelband. Tera Kòrá ta e promé bario fundá pa desendientenan di katibu ku a bira liber promé ku 1863. Dia 1 di ougùstùs nos tin di selebrá e promé akto di un bario liber.

Mi no ta den komishon di Tera Kòrá pero tin e deseo i ta invitá pa tur miembro di Konseho insular, Kolegio Ehekutivo kompletu, Skal, Representante di Reino, TCB, BHM, Telbo pa pone wifi, medionan di komunikashon, direktivanan di tur sentro di bario, Akseso, papiamentistanan pa drenta den diálogo ku abitantenan di e bario i sera konosí ku tradishon, norma, bandera i papiamentu di e bario.

Tera Kòrá meresé boso presensia i hasi Rotonde Van der Tweel Rotonde Julia Emerenciana..

FUENTE: ARTHUR SEALY