NO TA DUNA PÈRMIT PA EVENTO GRANDI FOR DI 4 TE KU 6 DI SÈPTÈMBER 2025.

Kralendijk – Kolegio Ehekutivo di Entidat Públiko Boneiru a disidí ku for di 4 te ku 6 di sèptèmber 2025 no ta duna pèrmit pa evento grandi òf fiesta komersial.

A tuma e desishon akí relashoná ku selebrashon di Dia di Boneiru, nos fiesta nashonal dia 6 di sèptèmber. Den e periodo akí Boneiru ta enfoká riba e programa ofisial i kultural ku ta forma parti di e dia spesial akí.

Konseho di komishon Dia di Boneiru 2025

E desishon ta konforme konseho di komishon Dia di Boneiru 2025. E komishon akí huntu ku e diputadonan i Konseho Insular a traha un plan di evento.

Meta di esaki ta pa sòru pa mas hende partisipá na e selebrashon ofisial i pa redusí preshon riba supervishon i mantenshon di lei.

Aktividatnan na i rònt di Playa

E partinan ofisial di e programa ta tuma lugá na i rònt di Playa, entre otro riba e lugá di stashoná outo dilanti di e edifisio bieu di Kolegio Ehekutivo i den Parke Wilhelmina

.

Huntu nos ta sòru pa un selebrashon seif i bunita

Nos ta konta ku komprenshon i koperashon di tur hende, di manera ku nos por sòru pa un selebrashon seif, festivo i signifikativo di Dia di Boneiru.

Un momentu pa selebrá nos union i nos kultura.

Pregunta òf mas informashon? E ora ei tuma kontakto ku departamento di Asuntunan Hurídiko i General (JAZ) di Direktorado di Maneho i Sosten (B&O) via apk@bonairgov.com.  

FUENTE: OLB/LIVE99FM

NEDERLANDS:  

GEEN VERGUNNINGEN VOOR GROTE EVENEMENTEN VAN 4 T/M 6 SEPTEMBER 2025

Kralendijk -Het Bestuurscollege van het Openbaar Lichaam Bonaire heeft besloten dat er van 4 tot en met 6 september 2025 geen vergunningen worden gegeven voor grootschalige evenementen of commerciële feesten.

Dit besluit is genomen in verband met de viering van Dia di Boneiru, onze nationale feestdag op 6 september. In deze periode richt Bonaire zich op het officiële en culturele programma dat hoort bij deze bijzondere dag.

Advies van de commissie Dia di Boneiru 2025

Het besluit volgt het advies van de commissie Dia di Boneiru 2025. Deze commissie heeft samen met de gedeputeerden en de Eilandsraad een evenementenplan gemaakt. Het doel is om ervoor te zorgen dat meer mensen deelnemen aan de officiële viering én om de druk op toezicht en handhaving te verlagen.

Activiteiten op en rond Playa

De officiële programmaonderdelen vinden plaats op en rond Playa, waaronder de parkeerplaats bij het oude Bestuurscollegegebouw en Parke Wilhelmina.

Samen zorgen we voor een veilige en mooie viering

We rekenen op ieders begrip en medewerking, zodat we samen kunnen zorgen voor een veilige, feestelijke en betekenisvolle viering van Dia di Boneiru. Een moment om onze eenheid en cultuur te vieren.

Vragen of meer informatie?

Neem dan contact op met de afdeling JAZ van de Directie B&O via apk@bonairegov.com.